Një masiv gurësh ka rënë në rrugë, në hyrje të qytetit të Shëngjinit, duke plagosur dy persona.

Ngjarja është shënuar në vendin e quajtur Knalla, në orët e para të mëngjesit të kësaj të mërkure.

Mësohet se gurët kanë goditur një autobus i cili po transportonte punëtorë të fabrikës së peshkut.

Dhe siç duket nga fotot është dëmtuar pjesa e prapme e automjetit.

Mësohet se 21-vjeçarja e plagosur është dërguar në spitalin e Traumës në Tiranë, kurse e plagosura tjetër po merr ndihme mjekësore në Lezhë.

I pyetur nga mediat shoferi i autobuzit është shprehur se nuk kishte parë kurrë një rast të tillë duke paralajmëruar se edhe gurë të tjerë mund të bien.