Këshilli Mbikëqyrës i Bankës së Shqipërisë ka vendosur të mos e ndryshojë normën bazë të interesit, duke e mbajtur atë në nivelin 1.25 për qind. Vendimi është bërë i ditur nga kreu i Bankës Qëndrore të Shqipërisë Gent Sejko. Guvernatori tha se inflacioni u rrit vetëm me 0.4 përqind në muajin nëntor krahasuar me muajin paraardhës. Sipas kreut të Bankës Shqiptare aktiviteti ekonomik pritet të kthehet në ekuilibër brenda vitit 2017 dhe inflacioni pritet të kthehet në objektiv brenda vitit 2018.