Gwyneth Paltrow rrallëherë flet për marrëdhëniet e saj, por dje vendosi që të hidhte pak dritë në errësirë ndërkohë që bisedonte me Sophia Amoruso për podcast-in e saj, Girlboss Radio. Fituesja e çmimit Oscar tregoi se ishte faji i saj, pasi ishte ajo që “kishte dreqosur kaq shumë marrëdhënie”. “Unë jam një mikeshë shumë e mirë, një motër e mirë, një vajzë dhe mama e mirë, por jam shumë e ndjeshme dhe e dreqosur kur vjen puna për romancat”. Duhet guxim për ta pranuar edhe këtë.  Kujtojmë se ajo ka qenë fillimisht e lidhur me Brad Pitt në vitet 1996-1997, me Ben Affleck nga 1997 në vitin 2000 dhe së fundmi është martuar me Chris Martin në vitin 2003, nga i cili u nda në vitin 2014.