Duhet thënë se nga pozat shumë provokuese në konsumim “lëndësh narkotike” (siç thotë ajo) është një goxha hap. Gjithmonë e përfolur në media për këngët e saj, zhveshjet seksi apo së fundmi për zënkat me Noizy-n, Enca ka dhënë sërish material duke u shfaqur këtë herë si vajza rebele. Në një video që duket se ka dalë nga duart e saj, këngëtarja e muzikës pop duket qartë se po konsumon marijuanë së bashku me një shoqe brenda në makinë. Dhe në rast se kishit dyshime, Enca e rrëfen edhe me gojën e saj atë çfarë po konsumon. Megjithëse duket se do të mjaftonte vetëm të shihnim videon pa pamjet e marijuanës dhe “rrëfimin” e Encës për të kuptuar se diçka u ka dhënë efekt vajzave.