Habit këngëtarja shqiptare: 'Më dinin të vdekur, unë u bëra nuse' [FOTO]

Shyhrete Beluli është një ndër këngëtaret më të dashura të muzikës popullore dhe ndër më të famshmet. E ftuar në emisionin "Nin" ka rrëfyer një histori mjaft interesante nga jeta e saj në vitin 1981.

Asokohe ajo këndonte vetëm këngë patriotike kështu që në Kosovë mendonin se e ishte vrarënga regjimi serb pas protestave të vitit ’81.

Askush nuk e kishte besuar se ajo ishte gjallë, ndërkohë këngëtarja tregon se ishte martuar po në të njëjtin vit në Podujevë dhe lajmi i martesës së saj kishte bërë bujë të madhe.

"Kur jam martuar, njerëzit prej kureshtjes kanë ardhur për të më parë. Dy anët e rrugës, që ndoshta kanë qenë një kilometër prej shtëpisë, ishin mbushur me njerëz. Kishin ardhur prej fshatrave përreth, me traktorë, me çfarë kanë mundur, për të më parë mua. Kur kam ardhur në oborr nuk mundja të dilja, të kaloja tek shkallët. Nuk mundesha prej grave sepse s’të linin të hapje derën",- tregon Shyhretja.