Bianca është vajza e aktorit të famshëm Jean-Claude Van Damme, me filmat e të cilit shumë prej shqiptarëve janë rritur.

Së fundmi, ajo ka dhënë një intervistë për për revistën “Class” në Shqipëri, ku shprehet se po lufton me bipolaritetin dhe depresionin si dhe ka rrëfyer marrëdhënien me babain.

Ndër të tjera Bianca ka shfaqur dëshirën të vizitojë edhe Shqipërinë.

Pjesë nga intervista:

Si do ta përshkruaje marrëdhënien me babain tënd?

Do të thosha që është si ai libri që e merr gjithmonë për ta lexuar, por nuk e përfundon kurrë, mjaftueshëm interesant për ta lexuar një herë në disa kohë. Ai ka qenë gjithmonë duke punuar e udhëtuar dhe me kalimin e kohës largësia u bë diçka normale për mua.

Ke qenë ndonjëherë në Shqipëri? Çfarë mendimi ke për shqiptarët?

Nuk kam qenë asnjëherë në Shqipëri, por do të doja ta vizitoja një ditë, atëherë do të mund t`i përgjigjem edhe kësaj pyetjeje.