Mund të jetë i vogël në moshë, por duhet ta pranojmë që Fero është bërë shumë i famshëm në tregun muzikor shqiptar. Ai është pjesë e labelit të njohur On Records dhe numëron disa hite shumë të pëlqyera nga publiku si “A pe din qysh”, “Gang Gang” me të cilën bëri namin në rrjetet sociale, “Veni i Par”, S’ka konkurrenc” e disa të tjerë që dëgjohen shumë nga publiku.

Nëse e keni vënë re, Fero ka shumë besim te aftësitë e tij dhe shpesh herë thotë që është më i miri, jo vetëm në muzikë, por edhe në fusha të tjera të jetës. Ai bën deklarata gazmore dhe me të vërtetë ka zgjedhur një mënyrë interesante për të qëndruar në vëmendjen e publikut dhe të njejtën gjë ka bërë me një postim të tijin në Instagram.

Ai ka publikuar një fotografi së bashku me reperin amerikan Lil Pump, i cili është i njohur për hitin “Gucci Gang” e që tregon një ngjarje të trilluar dhe për të qeshur njëkohësisht, me idenë që Fero është inspirim për Lil Pump.

“Në vitin 2004 në dyqanin Gucci në Duomo të Milanos, Fero ishte duke blerë një palë këpucë një fëmijë e sheh atë nga vitrina i trishtuar dhe me sy të përlotur prej varfërisë së tij dhe dëshirës për t’i blerë edhe ai gjërat e shtrenjta si Fero.

Pasi Fero e pa djalin e vogël , ai doli nga dyqani dhe iu afrua atij duke i pëshpëritur në vesh, ‘mos u dorëzo kurrë në këtë jetë çdo gjë është e mundur, merri këpucët e mia Gucci, gang gang bitch’ dhe u largua duke buzëqeshur.

13 vjet më vonë ai fëmijë është rritur dhe bëri këngën “Gucci Gang”, një prej këngëve më të suksesshme të vitit. Ai fëmijë quhej Lil Pump”, është përshkrimi i fotos të sajuar nga fansat në Instagram.

Per juve qe nuk e dini

A post shared by ALLES BABA (@ferofera) on Aug 23, 2018 at 9:21am PDT