Ai është një ndër aktorët më të mirë italianë dhe jo më kot filmat në të cilët ai është protagonist, shënojnë audiencë shumë të lartë. Bëhet fjalë për Raoul Bova, i cili është cilësuar shpeh herë edhe si Sex Symbol në shtetin fqinj. Edhe pse vitet kalojnë, aktorët e klasit të parë i rezistojnë kohës dhe këtë na e vërteton më së miri, Bova. Ai është njohur gjithmonë për një profil pozitiv, ku provokimet dhe jeta ekstravagante, kanë qenë larg jetës që ai bënte. Mirëpo një incident i vogël i ka ndodhur së fundmi.
Ylli Raoul Bova u ngjit në skenën e “TuttoSposi” në Napoli për të marrë çmimin special si “Burri më i dashur i italianeve”. Aktori u shfaq në formë shumë të mirë e ndoshta i rrëmbyer nga entuziazmi harroi një detaj që e turpëroi pak. Mediat e vendit fqinjë po shpërndajnë fotot e artistit në skenë, me zinxhirin e pantallonave të zbërthyer.