Përmes një deklarate për shtyp, përfaqësuesja Politikës së Jashtme të BE-së, Federica Mogherini, dhe Komisioneri për Zgjerimin,  Johannes Hahn, kanë përgëzuar partitë politike shqiptare për marrëveshjen e arritur, që do të bëjë të mundur dhe mbajtjen e zgjedhjeve në datën 25 qershor.

Në deklaratë shkruhet: “Përgëzojmë partitë politike në Shqipëri për marrëveshjen e arritur, që do të çojë në mbajtjen e zgjedhjeve në 25 qershor 2017 me pjesëmarrjen e të gjitha partive. Udhëheqësit politikë u janë përgjigjur pritshmërive të qytetarëve të tyre dhe treguan pjekuri demokratike. Ky ishte një hap i parë thelbësor. Tani, kjo marrëveshje duhet të implementohet për të përgatitur zgjedhje me standarde ndërkombëtare. Duke qenë se vota në Parlament për ngritjen e organeve të vetting-ut është pjesë e marrëveshjes, ne përsërisim rëndësinë e një implementimi solid dhe të besueshëm të procesit të vetting-ut, që është kyç për progresin drejt anëtarësimit në BE. Ne do të vazhdojmë të mbështesim Shqipërinë dhe aspiratat legjitime të popullit të saj për një të ardhme më të mirë”.