Jose Mourinho ka qenë pothuajse viktimë e një vjedhjeje në shtëpinë tij. Trajneri i Manchester United ka qenë duke parë televizor kur shërbyesja ka bërtitur kur ka parë një njeri që është munduar të futet nga dera e bodrumit në shtëpinë 34 milionë eurosh të portugezit në Londër. Një kalimtar, i cili ka fotografuar momentin dramatik, ka thënë se: “Jose është dukur i tronditur”. Hajduti, që është munduar të futet në shtëpinë e tij, ndërsa ai ka qenë në katin e sipërm duke parë tv, është kapur pasi një shërbëtore ka bërtitur: “Çfarë po bën këtu?”. Ajo po hekuroste kur ka vënë re keqbërësin, i cili po mundohej të futej në shtëpi.

Personi u mundua të arratisej, por një roje e sigurisë, i ka zënë rrugën. Një ekip prej tetë policësh ka shkuar menjëherë në vendin e ngjarjes dhe është larguar nga aty me hajdutin në pranga, ndërsa trajneri i United dhe gruaja e tij Matilde Faria kanë ndjekur skenën nga dritarja. Gabor Roman, 25 vjeç, është futur në burg për katër javë pasi ka pranuar tentativën për vjedhje. Në momentin e incidentit, Mou po ndiqte në televizor finalen e Europianit mes Portugalisë dhe Francës. Më vonë ai ka publikuar në rrjetet sociale një fotografi të vetën, duke mbajtur shallin e Portugalisë në dorë dhe duke qeshur për fitoren e kombëtares së tij.