Kryeministri i Kosovës, Ramush Haradinaj ka bërë të ditur se vendi i tij ka marrë mbështetjen e Gjermanisë për procesin e liberalizimit të vizave. Nëpërmjet një postimi në rrjetin e tij social “Facebook”, Haradinaj tregoi për takimin e zhvilluar me ministrin e Punëve të Brendshme të Gjermanisë, Horst Seehofer. “Danke Deutschland! Pas takimit me Ministrin e Punëve të Brendshme të Gjermanisë, Horst Seehofer, morëm “Po”-në e Gjermanisë për liberalizimin e vizave”, shkruan Haradinaj në Facebook.