Ylli i Real Madridit, Gareth Bale, është mjaft i mirë për ta fituar “Topin e Artë”, sipas ish-trajnerit të tij, Harry Redknapp. Ky i fundit e arriti uellsianin te Tottenham, para se ai të shitej për një shumë rekord botëror asokohe, prej 85 milionë £, duke u bashkuar me gjigantin spanjoll, Real Madrid, me të cilin ka fituar dy Champions. Ish-trajneri i “Spurs” beson se forma e 27-vjeçarit është mjaft e mirë: “Po, ai mund ta fitojë “Topin e Artë”, – ka thënë Redknapp për “Goal.com”.

Unë mendoj se ai është në pesë lojtarët më të mirë në botë për momentin. Bale është një talent fantastik. Nëse ndonjë nga ekipet më të mira në Premier League arrin ta blejë atë, Bale do të bëjë diferencën për të fituar titullin. Nëse kthehet në Angli, uellsiani do të jetë lojtari më i mirë në Premier League. Nëse ai shkoi te Manchester City, mendoj se do të fitojë kampionatin. Të njëjtën gjë parashikoj edhe nëse bashkohet me Manchester United.

Bale mund të driblojë, mund të të xhirojë në vend, mund të shkojë larg. Ai mund të shënojë edhe gola. Gjithmonë kam menduar se ai mund të bëhej mesfushori i majtë më i miri në botë.