Një kompani farmaceutike britanike është gati për të prezantuar një xhel i cili ka dhënë rezultate shumë të kënaqshme. I testuar në 232 meshkuj, xheli ka arritur rezultatin e dëshiruar brenda 10 minutave në shumicën dërrmuese të rasteve, plot 82%. Kjo e bën automatikisht një rival serioz për pilulën Viagra, e cila normalisht kërkon 30 minuta për të dhënë efekt. Përbërësi më aktiv në xhel është ilaçi për dhimbjet e kraharorit, Glyceryl Trinitrate. Aksionet e kësaj kompanie janë ngritur menjëherë në qiell pas provave të suksesshme, për një fitim të mundshëm prej 5 bilionë dollarëve në vit.