Harry dhe Meghan tani janë burrë dhe grua!

Ata janë shpallur burrë dhe grua nga Kryepeshkopi i Canterbury në një ceremoni që ishte duke u shikuar nga qindra miliona njerëz në mbarë botën. Pallati Kensington ka bërë me dije se Princi Harry dhe Meghan Markle do të njihen si Duka dhe Dukesha e Sussex. Kjo do të thotë që zonja Markle është gruaja e parë që ka të drejtë të përdorë titullin HRH Dukesha e Sussex.

Një mori personash të famshëm, përfshirë Oprah Winfrey, George Clooney dhe David Beckham ishin midis 600 mysafirëve të ftuar së bashku me anëtarët e lartë të familjes mbretërore. Rreth 2,640 anëtarë të publikut ishin duke parë ceremoninë në Windsor Castle.

Meghan Markle u shoqërua drejt altarit nga vjehrri i saj Princi Charles, në vend të babait të saj. Ajo u shoqërua gjithashtu edhe nga gjashtë shoqërues nusesh, duke përfshirë Princin George dhe Princeshën Charlotte.

Gjithë sytë ishin tek Meghan Markle dhe se çfarë fustani kishte veshur. Ajo kishte vendosur që në dasmën e saj të shfaqej shumë thjeshtë. Meghan kishte zgjedhur një fustan të bardhë, të thjeshtë dhe të gjatë nga Givenchy, dizenjuar nga drejtori kreativ Claire Waight Keller.

Edhe makeup i saj ishte shumë i thjeshtë dhe natyral,ku vërehej vetëm toni bronz i syve. Flokët e saj ishin të kapura thjeshtë gjithashtu.

Princi Harry dhe Princi Uilliam ecën së bashku drejt altarit të cilët kishin veshur uniformën tradicionale të familjes mbretërore.

Urime Harry dhe Meghan Markle!