Harry Styles ishte në shoqërinë e një tjetër bukurosheje kur u largua nga një party londineze mbrëmjen e djeshme. Këngëtari 22 vjeçar u përpoq të fshihej në sediljen e prapme të makinës duke e mbajtur kokën poshtë ndërkohë që ndodhej i shoqëruar nga një mikeshë misterioze. Artisti britanik u tregua “familjar” pasi festoi gjithë mbrëmjen me motrën e tij Gemma, por kur erdhi fundi i festës, ai nuk zhgënjeu si zakonisht. Ndoshta këto janë të gjitha hamendësime dhe ata u larguan thjesht për të pirë pak çaj në privatësi, por dyshojmë shumë që ky ishte rasti. Dhe të mendosh që vetëm pak kohë më parë ishte përfolur se Kendall Jenner po kërkonte diçka më shumë në marrëdhënien me Harry-n se sa një flirt të thjeshtë. Kjo duhet të ketë dalë e tepruar si përgjigje!