Është hedhur në Monako të Francës, shorti i fazës së grupeve të Champions League. Kampionët në fuqi, do të kenë në grup, rivalët e përvjetshëm të Dortmundit, Sportingun e Lisbonës, dhe Legian e Varshavës, e cila drejtohet nga tekniku shqiptar, Besnik Hasi.

Përballje interesante është edhe ajo e Grupit A, ku dy vëllezërit Xhaka përplasen sërish, njëri me Bazelin dhe tjetri me Arsenalin.

Shorti nuk ka kursyer as emrat e tjerë të mëdhenj, siç është Manchester City me Barcelonën, ku bie në sy përballja e Guardiolës ndaj ish-ekipit të tij, dhe Bayernit të Anchelotit, me nënkampionet e Atleticos.

Ekipi italian Juventus, ka gjetur në grup, Lionin Seviljen dhe Dinamon e Zagrebit. Shqiptari tjetër që merr pjesë në Champions, Elseid Hysaj, i cili aktivizohet me Napolin do të ketë në grup Benfikën, Dinamon e Kievit dhe Beshiktashin. Risia e këtij viti, Leicester do të përballet me Porton, Club Brugge dhe Kopenhagen.