Ajo është vetëm 7 vjeçe dhe nuk ka kërkuar dhurata të bukur për festat e fundvitit. E vetmja gjë që ka dashur është të ecë dhe fatmirësisht. tani mundet. Bëhet fjalë për 7-vjeçaren, Frosina, jetime, e cila ka lindur pa njërën këmbë, që në lindje. Gazetari Osman Stafa ka bërë publike fillimisht historinë e trishtë të vogëlushes dhe ndërmorri një nismë për t’i realizuar ëndrrën, para vitit të ri dhe ia doli. Ai arriti të mblidhte shumën e duhur të parave, plot 60 mijë lekë të reja për t’i blerë protezën Frosinës dhe këtë na e ka treguar me anë të një videoje të bukur në Facebook-un e tij personal ku i ka kushtuar dhe një shkrim të bukur.