Dashi-Puna në grup do të jetë shumë produktive. Një ndjenjë pozitiviteti për të ardhmen do t’ju shoqërojë përgjatë gjithë ditës. Madje, do të ndikojë edhe tek të tjerët, të cilët do të preken nga aura juaj. Të njohur që bëhen miq, miq që bëhet të afërt dhe marrëdhënia sentimentale që bëhet gjithnjë më e fortë dhe stabël. Duket se gjërat janë në drejtimin e duhur, shijojeni!

Demi-Kërkoni që të dëgjoni të gjitha versionet përpara se të gjykoni. Mos vlerësoni vetëm njërën anë të historisë dhe shiheni situatën ftohtë. Nga ana tjetër është e nevojshme që të ndani punën nga jeta personale, pasi do t’ju sjellë vetëm pengesa.

Binjakët-Mos lejoni që miq apo kolegë në punë t’ju detyrojnë të bëni gjëra që nuk iu pëlqejnë. Nëse dikush thotë se nuk keni alternativë tjetër dhe duhet të ndiqni medoemos një rrugë të caktuar, merrni kohë dhe shqyrtojini vetë opsionet.

Gaforrja-Kërkoni për një punë më të mirë. Mbase është më mirë që energjitë tuaja t’i investoni për diçka tjetër. Tani duhet të ktheni faqe: bëni njohje të reja dhe mes tyre zgjidhni partnerin e jetës tuaj.

Luani-Dashuria është në krye të listës në ditën e sotme për ju. Përkushtohuni më tepër në lidhjen tuaj, nëse jeni beqar është momenti që të shihni mundësitë që do iu shfaqen.

Virgjëresha-Sot do të jeni të mbushur me shëndet të mirë, energji dhe fuqi dhe do të keni një ditë tepër frytdhënëse në punë apo në një projekt personal. Do të jeni të suksesshëm në disa aspekte, mbi të gjitha pasi keni kohë që punoni fort. Është dita kur do të shihni frytet e punës tuaj.

Peshorja-Ka ardhur koha t’i jepni zgjidhje problemeve që keni krijuar kohët e fundit. Qëllimi mund të ketë qenë i mirë, por rezultati nuk është ai që prisnit. Mos u përpiqni të shpëtoni të tjerët, kur nuk duan të shpëtohen. Kujdesuni për veten.

Akrepi-Keni shumë gjëra për t’u ndjerë mirënjohës momentalisht, ndaj nuk keni përse të mbani qëndrim të zymtë. Sot do të jeni të inkurajuar për ta parë jetën më pozitivisht, duke ju bërë edhe më të pritur për të qenë të suksesshëm.

Shigjetari-Pritet një ditë e mirë, por shumë impenjuese për ju, kështu që do të jeni të detyruar të lini për më vonë një takim me dikë për një çështje private.

Bricjapi-Sot duhet të jeni më mirëkuptues ndaj të tjerëve rreth jush. Përkushtohuni më tepër ndaj familjes ose partnerit tuaj ditën e sotme. Ruani qetësinë dhe mos merrni vendime të nxituara.

Ujori-Çështjet financiare shkojnë mirë, ndaj këtë fundjavë nëse e gjeni veten përballë dikujt që ka nevojë për ndihmën tuaj, mos u kurseni. Dashuria mund mos të blihet me para, por nëse jeni të dashuruar, pak para mund të ndihmojnë.

Peshqit-Mund t’ju jepet mundësia për të ndihmuar një mik nga pasojat e veprimeve të tyre, por a është ide e mirë? Nuk duhet t’i jepni të tjerëve idenë sikur do të jeni gjithnjë aty për të ndrequr gabimet e tyre. Lërini të mësojnë prej tyre.