Dashi: Edhe për këtë javë do të jeni ju protagonistë të zodiakut. Venusi i kthyer nga shenja juaj vetëm sa ju bën më magjepsës e më tërheqës. Do t’ju vijë natyrshëm t’i bëni për vete të tjerët. Do të jetë pothuajse e pamundur t’ju rezistosh. Të reja pozitive do të keni edhe në aspektin profesional, sidomos të mërkurën, të enjten dhe të premten. Gjithçka është e mundur.

Demi: Java do të fillojë shumë e mbarë. Të hënën dhe të martën Hëna do të ndriçojë në shenjën tuaj, duke ju ndihmuar në çdo aspekt të jetës suaj. Në fundjavë do të jeni veçanërisht me fat dhe do të përjetoni emocione të paharrueshme. Nëse jeni të përfshirë në një lidhje dashurie, pritet që në javët në vazhdim gjërat të ndryshojnë për mirë.

Binjakët: Mos u shqetësoni nëse në fillim të javës diçka mund të shkojë keq. Do të jenë vetëm disa pengesa të vogla për shkak të pozicionit të pafavorshëm të Hënës. Do ta shikoni se duke filluar nga dita e mërkurë gjithçka do të zgjidhet për mirë, sidomos në aspektin profesional. Dashuria do t’ju buzëqeshë. Është koha për njohje të reja!

Gaforrja: Këshillohet që të enjten dhe të premten të bëni kujdes, pasi durimi juaj mund të vihet në provë. Venusi, Mërkuri edhe Hëna nuk janë të vendosur në pozicion të favorshëm. Për rrjedhojë do të hasni ndonjë pengesë më shumë në rrugën tuaj. Do të hasni vështirësi edhe në marrëdhënien me partnerin, prandaj bëni kujdes me mënyrën si shpreheni.

Luani: Kjo do të jetë një javë me fat për të lindurit e kësaj shenje. Gjithçka do të shkojë mirë në aspektin profesional dhe personal. Venusin do ta keni në shenjë. Nëse jeni beqarë, mund të bëni takime të rëndësishme, sidomos të mërkurën, të enjten apo të premten. Fundjava do t’ju gjejë disi në humor të keq për shkak të pozicionimit të Hënës.

Virgjëresha: Hëna dhe Marsi në pozicion të pafavorshëm për shenjën tuaj do të ndikojnë që të jeni në humor të keq dhe paksa të lodhur gjatë ditëve të para të javës. Për fat, duke filluar që nga dita e mërkurë, do ta merrni veten dhe fundjava do të jetë më e mbarë. Me Hënën në shenjë do të përjetoni momenti pasioni që vështirë se mund të harrohen.

Peshorja: Nëse gjërat nuk shkojnë ashtu siç do të donit, është më mirë që të mos këmbëngulni. Në këto momente Mërkuri nuk ju favorizon dhe ju nxjerr pengesa në rrugën tuaj. Mos u shqetësoni, sepse shumë shpejt gjithçka do të zgjidhet. Bëni kujdes edhe në aspektin sentimental, sepse Venusin nuk e keni aleat. Shmangini debatet me partnerin, nëse është e mundur, sidomos të enjten dhe të premten.

Akrepi: Java do të fillojë me Hënën në pozicion të favorshëm. Të hënën dhe të martën mund të merrni më në fund një lajm të mirë apo një përgjigje që e prisnit prej kohësh. Ndryshe do të jetë situata në fundjavë për fat të keq, pa mbështetjen e Hënës. Parashikohet që të lindin tensione, sidomos në jetën në çift.

Shigjetari: Pozicionimi i Marsit për këtë javë do të bëjë që të keni rënie të energjive. Megjithatë, ju do të bëni hapa para në realizimin e objektivave tuaja. Diku nga mesi i javës pritet që të merrni konfirmimin për diçka që e prisnit prej kohësh. Edhe për sa i përket aspektit sentimental i keni idetë të qarta, pak rëndësi ka jeni apo nuk jeni të përfshirë në një marrëdhënie.

Bricjapi: Edhe për këtë javë do t’ju duhet të përballeni me pozicionimin e pafavorshëm të Mërkurit dhe Venusit. E mërkura, e enjtja dhe e premtja do të jenë veçanërisht angazhuese. Mund të hasni ndonjë pengesë tjetër në rrugën tuaj. Fillimin e javës kushtojani çështjeve të punës, me jetën personale merruni më shumë në fundjavë.

Ujori: Këtë javë do të ndiheni përgjithësisht të fortë dhe energjikë. Gjithçka është e mundur, e rëndësishme është t’i kushtoheni objektivave që i keni vënë vetes dhe të merreni me realizimin e ëndrrave tuaja. Të mërkurën, të enjten dhe të premten, Hënën do ta keni në pozicion të favorshëm. Kujdesuni për veten, sidomos në fundjavë, pasi mund të ndiheni paksa të lodhur.

Peshqit: Java do të fillojë për mrekulli. Në ditët e para të saj do të keni mbështetjen e Hënës, e cila do t’ju dhurojë fat. Fati do të jetë në anën tuaj edhe në ditët në vazhdim, pavarësisht ndikimit të Marsit që ju bën të ndiheni pak të lodhur, gjë e cila do të reflektohet edhe në gjendjen tuaj shpirtërore. Shfrytëzojeni fundjavën për t’u çlodhur në shoqërinë e një personi të veçantë për ju!/ LIVING.AL