Dashi: Po i afroheni fazës më krijuese të vitit 2020. Duke nisur nga data 22, Saturni nuk do të jetë më aq i rreptë me ju sikundër dy vitet e fundit. Nëse njëri nga ju pret një konfirmim nga puna apo thjesht pret suksesin e një çështjeje, mund të marrë përgjigje pozitive brenda tre muajsh. Marrëdhëniet e bashkëpunimit janë shumë frytdhënëse, ja pse marsi do të jetë muaji i propozimeve interesante. Dielli do të vazhdojë të qëndrojë në shenjën tuaj dhe kjo do të thotë se jeni të mbushur me energji. Kjo është një periudhë interesante për sipërmarrësit që mund të zgjerojnë aktivitetin e tyre. Të ardhurat s’do të jenë të shumta, madje ju këshillojmë të keni kujdes me ndonjë situatë spekuluese dhe të rrezikshme. Në datën 25 ju vjen një propozim që duhet ta vlerësoni me kujdes.

Në aspektin e ndjenjave gjithë viti do të karakterizohet nga vendime përfundimtare. O po o jo! Në këtë periudhë është e vështirë që të vazhdojnë marrëdhëniet problematike. Kini paksa kujdes, pasi puna po ju shpërqendron. Çiftet që janë të lidhura prej kohësh do të debatojnë pikërisht për këtë. Mjaftojnë problemet që duhen zgjidhur brenda çiftit. Nëse njëri nga ju do t’i japë fund një marrëdhënieje, s’do të mendohet dy herë. Ata që janë në prag të divorcit tani do të merren me avokatët dhe noterët për të zgjidhur çështjet ligjore. Venusi ju ndihmon si gjithmonë të gjeni një zgjidhje për problemet brenda në familje: riparime apo shpenzime të papritura. Kërkoni gjithnjë ndihmën e ekspertit. Nëse njëri nga ju e ndien veten ende viktimë të një ndarjeje, s’është i hapur për marrëdhënie të reja. Yjet janë shumë të favorshme për ata që duan të kapërcejnë një problem shëndetësor. Saturni s’është më në prapavijë që prej datës 22. Nuk po themi se kjo periudhë do të jetë shumë e qetë, pasi të lindurit në shenjën e Dashit janë gjithnjë paksa të tensionuar, shpeshherë edhe duke e tepruar. Datat 4, 5, 10 dhe 11 do të karakterizohen nga nervozizmi. Pa dyshim që fundi i muajit do të jetë më i mirë.

Demi: Ju kujtoj se fillimi i vitit do të jetë shumë i favorshëm për një rilindje në aspektin profesional. Në datën 5 kalon edhe Venusi në shenjën tuaj, përveç Marsit që vazhdon t’ju mbështetë. Gjatë dy muajve të fundit keni arritur suksese të vogla. Eprorët ju vlerësojnë shumë, ja pse ju ofrojnë projekte të reja. Mos kini frikë nga nismat e reja. Të lindurit e kësaj shenje bëhen gjithnjë e më mosbesues me kalimin e kohës. Nëse në të njëzetat janë të gatshëm të bëjnë gjithçka, te të dyzetat ndihen shumë më të pasigurt edhe ndaj ndryshimeve më të vogla. Nuk ju mungon asnjëherë dëshira për të jetuar sipas rregullave që i vendosni vetë. Vizioni juaj për të ardhmen është shumë optimist, sidomos në lidhje me projektet e reja të marsit. Në datën 9 do të merrni një telefonatë apo një propozim vërtet interesant. Tani e ndieni më pak peshën e përgjegjësisë dhe jeni më të çliruar.

Marsi do të jetë një muaj shumë pasionant që ju fton të njiheni me njerëz të rinj pa shumë dyshime. Do të jetë një periudhë e favorshme që çiftet e lidhura prej kohësh të planifikojnë martesën apo bashkëjetesën. Nëse s’mbyllen brenda në shtëpi, beqarët do të jenë më tërheqës se kurrë dhe njohjet e veçanta s’do të mungojnë. Përpos Marsit, në datën 19 do të bashkohet edhe Jupiteri dhe Saturni me dashamirësinë e tyre. Pjesa e dytë e muajit do të jetë e përsosur në fushën e ndjenjave. Nëse ka diçka që nuk shkon në një marrëdhënie, mos ngurroni t’i jepni fund, pasi me këto yje mundësitë që të mbeteni vetëm janë të pakta. Disa nga ju do të duan t’i kthehen një dashurie të hershme, por reflektoni nëse kjo ia vlen vërtet. Këtë vit do të dëgjoni trupin tuaj dhe do t’i plotësoni çdo kërkesë. Nëse deri para pak kohësh ndiheshit të tensionuar dhe përgjegjës për gjithçka, tani disa gjëra ua keni deleguar të tjerëve që t’i kushtoni më shumë kohë vetes. Nëse doni të mbani dietë, duhet të këshilloheni patjetër me një mjek, pasi ushqimi është pika juaj e dobët.

Binjakët: Muaj rikuperimi në aspektin profesional, sidomos kur bëhet fjalë për projekte të reja shumë vizionare. Jupiteri nuk është më armiku juaj si vitin e kaluar, ja pse kjo periudhë do të jetë e favorshme. Megjithatë, do të mbeten disa gjurmë të problematikave. Do të merrni përgjigje pozitive shumë shpejt. Ekziston mundësia që jo vetëm të rimëkëmbeni, por edhe të shpërbleheni, sidomos me afrimin e prillit. Jeni në kërkim të gjërave të sigurta. Do të mbyllni një bashkëpunim që deri tani s’ka dhënë asnjë fryt. Pranvera është një periudhë interesante. Dielli do t’ju mbështetë pas datës 20. Tregohuni sërish të duruar me paratë, pasi shumë nga të ardhurat e tanishme shkojnë për të larë kredi apo borxhe të marra në të shkuarën.

Dashuria do të rizgjohet dhe gjërat do të shkojnë edhe më mirë në prill, kohë kur Venusi nis kalimin në shenjën tuaj. Do të gjeni sensualitetin dhe qëndrueshmërinë që ju kishin munguar për një sërë arsyesh. Ata që sapo janë ndarë, bëjnë mirë të kërkojnë ndihmën e një ndërmjetësi. Viti 2019 nuk ka qenë aspak i lehtë. Shumë nga ju duhet t’i kushtojnë rëndësi intimitetit, që e kanë lënë në plan të dytë për shkak të angazhimeve profesionale. Fillimi i muajit do të jetë i lodhshëm, por pas datës 20 rikuperimi do të jetë i dukshëm. Nëse jeni nga ata njerëz që bëni shumë gjëra njëherësh apo që s’ndalen kurrë, lind nevoja të vini pak rregull në jetën tuaj. Kini kujdes në datën 9 dhe gjatë gjysmës së muajit. Qëndroni larg celularit dhe shmangni çdolloj përqendrimi gjatë fundit të muajit.

Gaforrja: Disa nga aktivitetet që bëni do të ndërpriten ose do të ndryshojnë. Bëni një plan me strategjitë e duhura dhe mendoni për diçka të re. Marsi ju dhuron forcën e Diellit, i cili do të qëndrojë aktiv në shenjën tuaj deri në datën 20. Venusi ju mbron shumë. Shumë shpesh nuk jeni aspak tolerantë, pasi bashkëpunimet tuaja po marrin fund të gjitha. Ne ju këshillojmë që të pranoni edhe punë të paguara më pak nga ç’synoni ju, sidomos ata që janë profesionistë të pavarur. Edhe gjysma e dytë e vitit do të karakterizohet nga problemet në aspektin profesional, por ju do të arrini ta gjeni qëndrueshmërinë. Në familje ndiheni të tensionuar, pasi shumë shpenzime dhe shumë njerëz varen nga ju. Nëse njëri nga ju ka pranuar një pozicion të rëndësishëm, do të kuptojë se po punon me njerëz aspak të besueshëm, madje do t’ju duhet ndihma e një avokati për të zgjidhur gjërat. Projektet e reja ecin shumë ngadalë. Nuk ka asgjë të re në horizont.

Në aspektin sentimental gjërat shkojnë më mirë, sidomos nëse krahasojmë gjendjen me shkurtin. Dashuria do t’ju shpëtojë nga disa situata të pakëndshme. Ju duket sikur s’ju kupton njeri dhe sikur bota është ndryshe për ju. Lidhjet e reja nisin në formën e lojës. Ata që kanë lidhje në largësi, edhe mund t’i japin fund. Disa lidhje do të marrin fund pa shumë vuajtje. Ata që vendosin të martohen, duhet të jenë shumë të sigurt në atë që duan. Nuk është se mungon dashuria, por me mijëra dyshime mbizotërojnë në marrëdhënien tuaj. Mërkuri do të jetë i favorshëm për ju pas datës 16. Do të ndiheni nën presion për shkak të problemeve profesionale dhe personale. Mund të bëni disa ditë pushim, nëse kuptoni se ka vërtet nevojë për reflektim për çka do të bëni të nesërmen...

Luani: Nëse duhet të diskutoni për diçka, është më mirë të mos ngurroni, pasi në prill Saturni do të dalë kundër jush. Ja pse marsi do të jetë një muaj i privilegjuar në aspektin profesional. Ata që kanë një aktivitet privat, do të fitojnë në varësi të rrethanave. Këto javë do të jenë vendimtare për ata që kanë ndërmarrë një nismë për një projekt të madh. Mes uljeve dhe ngritjeve të këtij viti, bëni mirë të mos shpenzoni shumë, të mos bëni investime të nxituara apo të rrëmbeheni nga pasionet e çastit. Nëse njëri nga ju do të shfrytëzojë rastin për të mbyllur një marrëveshje, ta bëjë pikërisht tani. Disa nga ju do të heqin dorë nga puna për të hapur një aktivitet privat. Më fatlumët janë ata që kanë një punë me marrëdhënie me publikun.

Ndjenjat do të kalojnë në plan të dytë, pasi gjatë marsit do të përqendroheni më shumë te puna. Shumë gjëra rreth jush po ndryshojnë. Lidhjet që kanë lindur si lojë apo thjesht për shkak të tërheqjes fizike do të marrin fund shumë shpejt. Nëse keni në mendje disa persona, do të çoroditeni më shumë nga ç’jeni tashmë. Marrëdhëniet e hershme kërkojnë më shumë qetësi. Ujërat do të trazohen disi në datat 13 dhe 14. Marsi mund të shndërrohet në muajin e debateve, që nuk i shërbejnë askujt. Nëse mendoni se një njeri s’ka respekt për ju, do të zemëroheni shumë. Kush ka mbetur i zhgënjyer nga një dashuri e së shkuarës, pa e kuptuar edhe vetë do të tërheqë drejt vetes njerëz të rinj. Marsi do të vërë në provë edhe lidhjet më të bukura. Tregohuni të arsyeshëm dhe gjithçka do të shkojë mirë. Forma fizike do të vihet në provë gjatë fundjavave. Ankthi për të bërë shumë gjëra bashkë apo për t’i mbyllur punët sa më shpejt do të ndikojë në ekuilibrin tuaj psikofizik. Kushtojini më shumë kohë sportit. Pushim i detyrueshëm, sidomos në datat 13, 14 dhe 27.

Virgjëresha: Kundërshtimet e vogla planetare të këtij muaji do të zhduken njëra pas tjetrës. Marsi, Jupiteri, Saturni dhe Urani do t’ju mbështetin pa kushte më vonë. Për ju është diçka shumë e bukur t’i merrni vetë në dorë frerët e jetës suaj. Sigurisht që shumë gjëra varen nga gjendja juaj shpirtërore dhe nga dëshira që keni për të arritur suksesin. Keni punuar shumë mirë kohët e fundit, ndaj tani është çasti të korrni frytet e punës suaj. Të favorizuara janë edhe shitblerjet. Ky është çasti i duhur të shisni prona që nuk ju pëlqejnë më. Yjet konfirmojnë më së miri ambiciet tuaja. Të hënat e marsit do të jenë më fatsjellëset. Nëse jeni përballë një vendimi për të pranuar një detyrë të caktuar, mendojeni mirë, pasi pikënisja është tani. Do të tregoheni diplomatë me të tjerët dhe falë emocioneve dhe ideve tuaja pozitive gjërat do të shkojnë shumë mirë.

Çiftet që duan të martohen apo të planifikojnë një bashkëjetesë e kanë rrugën të hapur. Kush nga ju qëndron gjithmonë në hije pasi ka frikë nga dashuria, duhet të reagojë, përndryshe do të humbë raste të rëndësishme. Ata që janë ndarë gjatë dy viteve të fundit, nuk duhet t’i rikthehen së shkuarës. Do të kenë probleme me ish-partnerët për shkak të parave. Pas datës 20, Dielli do t’ju mbështetë edhe më shumë. Pesë ditët e fundit të marsit do të jenë shumë interesante për beqarët, por edhe ju duhet të luani rolin tuaj. Gjatë dy javëve të para do të ndiheni disi nervozë, pasi shkurti s’ka qenë aspak i lehtë, por pas datës 20 gjithçka do të shkojë më mirë. Pika juaj e dobët është stomaku dhe stresi do të hapë jo pak probleme. Data 27 është e duhura për të bërë një vizitë të lënë pas dore prej kohësh apo për të nisur një kurë që të ndiheni më mirë fizikisht.

Peshorja: Nëse punoni për një kompani që është në krizë prej kohësh, duhet të shkëputeni sa jeni ende në kohë. Disa marrëveshje që i keni bërë vjeshtën e kaluar do t’ju shkaktojnë disa shqetësime të papritura. Ju këshillojmë të lini gjithçka, nëse nuk ndiheni rehat me kolegët dhe bashkëpunëtorët, sidomos nëse këta të fundit janë të shenjës së Gaforres apo Bricjapit. Shpeshherë pyesni veten nëse jeni duke bërë jetën që dëshironi, pasi kjo pranverë do të jetë një periudhë reflektimi. Përcaktojeni sa më mirë pozicionin tuaj me eprorët për të shmangur debatet. Do të shpenzoni për mobilime apo për riparime të paparashikuara.

Çiftet që kanë kaluar një krizë të vogël gjatë shkurtit, tani janë më të forta. Lajm i mirë për ju, pasi Venusi do të nisë kalimin e tij në prill në shenjën tuaj dhe ndikimi i tij do të zgjatë disa muaj. Mbeten të hapura konfliktet që kanë si shkak paratë. Edhe pse Saturni vazhdon të jetë kundër jush, me pak vullnet do të kaloni çdo pengesë. Bisedoni me njëri-tjetrin dhe gjeni cila është arsyeja kryesore, nëse keni probleme. Me gjasë ka të bëjë më shumë me faktin që i kushtoni më shumë kohë punës. Takime të reja për beqarët, të cilat gjatë prillit mund të shndërrohen në lidhje serioze. Nëse ndonjëri nga ju ka menduar për martesën që vitin e kaluar, tani duhet të vendosë, pasi mund të shtohen problemet ekonomike dhe do të lindin dyshime. Tensionet e grumbulluara janë barrë e madhe për ju. Edhe nëse gjithçka shkon mirë në punë, gjërat që bëni ju stresojnë dhe ju hanë shumë kohë. Premtojini vetes se do t’u kushtoni më shumë kohë trupit dhe mendjes. Nuk po shfrytëzoni dot krijimtarinë tuaj prej muajsh, lërini disi mënjanë detyrimet. Datat 17 dhe 25 do të karakterizohen nga tensioni.

Akrepi: Gjatë marsit të gjithë duhet t’ju trajtojnë me delikatesë, pasi mund të reagoni në mënyrë të papritur gjithë nervozizëm. Ju ka ardhur në majë të hundës loja e dyfishtë që po dëshmoni në aspektin profesional, pasi ju jeni shumë të qartë dhe të drejtpërdrejtë në fjalët dhe në zgjedhjet që bëni. Nëse keni përkrah dikë që nuk i respekton idetë tuaja apo shtiret, do t’i vini vizën pa i lënë gjë pa thënë. Është e qartë që në këtë periudhë po ngre krye rebelimi brenda jush. Nuk ju mungon aspak dëshira për t’i çuar të gjithë në djall. Mbajeni në kontroll këtë zemërim. Shumë nga ju do ta shfryjnë inatin edhe brenda familjes, duke u treguar jashtëzakonisht nervozë. Jupiteri ju mbron, por duhet të kuptoni se ku doni të shkoni dhe çfarë doni të bëni. Askush s’e vë në dyshim rolin tuaj në rrethin shoqëror. Nëse s’i trazoni shumë ujërat, gjysma e dytë e vitit do t’ju shpërblejë për durimin tuaj.

Pranvera nuk do të nisë me këmbën e mbarë në fushën e ndjenjave, por ju duhet të kuptoni se ç’marrëdhënie keni krijuar. Marrëdhëniet e krijuara prej kohësh do të kenë probleme me komunikimin. Do të përballeni me një problem ekonomik që lidhet me shtëpinë ose me fëmijët. Lidhjet e përkohshme që kanë nisur si lojë rrezikojnë të shkojnë drejt ndarjes. Në të vërtetë, të lindurit në shenjën e Akrepit shpesh janë shumë të dyzuar se si duhet t’i shfaqin ndjenjat e tyre, pasi kërkojnë dashurinë e jetës, por, kur e gjejnë, kanë frikë. Reflektoni mirë se çfarë dëshironi apo kë doni. Kush nga ju ka tradhtuar, tani do të shlyejë gabimet. Marsi do të shoqërohet nga një stres emotiv për shkak të kundërshtisë së Venusit dhe Uranit. Kujdes maksimal duhet të bëjnë çiftet që kanë pasur probleme në të shkuarën sidomos gjatë dy javëve të fundit të marsit. Ruani qetësinë. Marsi do të jetë i lodhshëm, madje gjatë disa ditëve do ta humbni fare toruan, si në datat 13 dhe 27. Në fakt, gjatë dhjetë ditëve të fundit duhet të keni kujdes edhe me shëndetin.

Shigjetari: Ky do të jetë muaji kur do të shpërbleheni për punën tuaj, sidomos për ata që kanë një aktivitet privat. Kjo periudhë është shumë e favorshme për ata që duhet të marrin vendime në lidhje me pronat. Do ta keni të lehtë të veproni. Keni ndërmarrë një nismë, por jeni disi të shqetësuar, pasi po investoni shumë para. Shumë nga ata që janë të punësuar, janë në kërkim të ndryshimit. Keni përveshur mëngët për të gjetur mundësi të reja. Një fazë interesante do të nisë pas datës 20, pasi Dielli do t’ju favorizojë sërish. Në datat 24 dhe 25 do të merrni disa përgjigje që i prisnit prej kohësh.

Yjet do të jenë më intrigues në fushën e ndjenjave. Kush nga ju ka një lidhje të lodhshme prej vitesh, do t’i hedhë sytë diku tjetër. Jo të gjithë janë të gatshëm të tradhtojnë, por nuk ju mungon dëshira ta vini marrëdhënien tuaj në provë apo të përjetoni përvoja të reja. Ky është çasti për t’i shprehur ndjenjat tuaja në mënyrë sa më të sinqertë. Nëse keni një kërkesë ndaj partnerëve, bëjeni që tani, pasi në prill do të nisë një periudhë pasigurie në aspektin sentimental. Me të lindurit në shenjën e Peshores, Ujorit dhe Luanit keni marrëdhënie shumë krijuese dhe të mira. Jeni beqarë? Mos u fiksoni pas atyre që s’jua hedhin sytë. Jeni të martuar prej vitesh? Kujdes, se mos tundoheni nga tradhtitë. Nuk mungojnë lajmet e reja gjatë marsit. Muaji do të jetë interesant edhe në marrëdhëniet me të tjerët. Ndoshta po ndodhin shumë gjëra bashkë rreth jush dhe ndiheni të nervozuar. E hëna e datës 16 do të jetë shumë e rëndësishme, pasi Hëna do të kalojë në shenjën tuaj dhe bashkë me të rikthehet edhe energjia pozitive. Kushtojini pak më shumë kohë vetes.

Bricjapi: Përveç Jupiterit dhe Saturnit, në shenjën tuaj do të hyjë edhe Marsi dhe do të ndihet ndikimi i tyre pozitiv. Këtë periudhë të lindurit e kësaj shenje do të ndihen sikur janë më superiorë ndaj të tjerëve dhe mendojnë se janë drejtues më të mirë. Disa nga ju kanë vendosur të transferohen, dhe tani po korrin frytet e punës së tyre. Dëshira për të punuar është më e madhe sesa energjitë negative. Mërkuri do t’i bashkohet shenjës suaj dhe në datat 9, 10 dhe 23 do të shijoni suksesin e vërtetë. Këtë muaj do të bëni zgjedhje vërtet të rëndësishme.

Çiftet që janë lidhur rishtazi këtë vit kanë një marrëdhënie të qëndrueshme, sidomos falë kalimit të bukur të Jupiterit dhe Saturnit në shenjë. Ju karakterizon përgjegjësia e madhe në marrëdhënie dhe pasioni. Nëse doni të njihni njerëz të rinj, kjo është periudha e duhur. Po ndërtoni diçka të rëndësishme për të ardhmen. Një lajm i mirë për zemrat e vetmuara, pasi disa prej tyre do të lidhen sërish me ish-partnerët që s’i kanë harruar ende. Ndërsa për çiftet në krizë ky horoskop është çlirues. Jeni gjithmonë ju ai që vendosni në një lidhje. Energjia nuk ju mungon. Një i lindur në shenjën e Peshqve apo të Akrepit mund t’ju thotë një fjalë më shumë. Ndiheni të lodhur duke duruar, duke mbrojtur dhe duke kuptuar njerëz të papjekur. Rikuperimi i vërtetë psikofizik do të ndodhë gjatë fillimit të muajit, sidomos trajtimet që do të bëni rreth datës 5. Bricjapët zakonisht e marrin shtruar para se të shkojnë te doktori. Yjet ju ftojnë të kujdeseni për veten. Kini kujdes në datën 24 dhe shmangni shpërqendrimet.

Ujori: Në aspektin profesional, shumë nga të lindurit në këtë shenjë janë në pritje të një ndryshimi, por pa e kuptuar se ky i fundit s’mund të vijë nga jashtë, por të nisë brenda jush. Dëshira për t’u rebeluar kundër rregullave nuk ju mungon aspak. Ata që kanë një punë të pavarur do të mendojnë për t’u transferuar diku tjetër. Mund t’u bëni kërkesa eprorëve tuaj që të ndryshoni rutinën. Studentët duhet të përgatiten sa më mirë, pasi kohët e fundit kanë qenë shumë të shpërqendruar. Nëse doni që projektet tuaja të kenë sukses, sidomos ato që lidhen me shtëpinë dhe transferime të mundshme, duhet të jeni sa më të sigurt.

Çiftet që janë të lidhura prej kohësh janë ftohur disi në intimitetin e tyre, por gjithçka mund të rilindë falë yjeve të marsit. Projektet e reja ju emocionojnë shumë. Do të bëni një investim të rëndësishëm në punën e njërit prej partnerëve. Të shkuarën e keni hedhur pas krahëve. Nëse keni kaluar një ndarje apo një krizë, Ujorët janë të aftë të mos e kthejnë kokën pas dhe të çlirohen nga mendimet negative. Nëse jeni beqarë, mos u përfshini shumë emocionalisht në aventurat e reja. Kini kujdes në datat 13, 14, 27 dhe 28, pasi diçka s’ju pëlqen dhe do të ngrini zërin. Duhet të gjeni sërish energjinë fizike. Mos u mbyllni dhe tregoni çfarë ju shqetëson. Plotësoni nevojat që ka trupi dhe dëgjoni ndjenjat. Jepini hapësirë rebelimit që ndieni përbrenda prej shumë muajsh, përndryshe do të keni probleme psikopatike. Saturni në shenjën tuaj do të shtojë dëshirën për të qenë sa më të lirë.

Peshqit: Ky muaj është i rëndësishëm për çështjet profesionale që ndikojnë në jetën tuaj. Nëse keni një aktivitet prestigjioz, ju e dini mirë që keni luftuar kundër shumë armiqve. Periudhën më të vështirë e keni kaluar vjet. Mos mendoni për të shkuarën. Nëse aktiviteti juaj është bllokuar për çështje burokratike, tani do të marrin rrugën e zgjidhjes. Gjatë marsit mund të bëni kërkesa për të përmirësuar kushtet e punës. Drejt jush po vjen një valë optimizmi që do t’ju shoqërojë gjatë gjithë muajit.

Marsi do të sjellë edhe shumë histori të reja dashurie. Të gjithë ata që kanë mbetur të zhgënjyer nuk duhet t’ia mbyllin dyert dashurisë. Jupiteri, Marsi, Saturni dhe Dielli ju favorizojnë. Shpeshherë ndodh të mbylleni në vetvete dhe të mos e kuptoni botën, e herë tjetër të ndiheni të përfshirë nga emocione të mëdha që doni t’ua tregoni të gjithëve. Optimizmi s’do të mungojë gjatë këtyre ditëve. Mund të planifikoni diçka argëtuese në çift. Nëse keni debate në marrëdhënie, sqarojini, pasi, nëse i lini pas dore, do të shndërrohen në konflikte. Edhe pse të lindurit në shenjën e Peshqve janë në kërkim të një martese me një person për gjithë jetën, ndonjëherë janë aq të etur për pasion, sa e tundon ideja e tradhtisë. E keni të vështirë të kontrolloni emocionet dhe doni ta jetoni jetën me çdo kusht. Ja pse shumë prej jush tradhtojnë sa herë që diçka shkon keq me partnerin dhe ia vini fajin pikërisht marrëdhënies. Ka ardhur çasti të vini pak rregull në jetën tuaj sentimentale. Takimet janë të favorizuara gjatë fundit të muajit. Marsi do të jetë një muaj disi stresues për shkak të punës. Edhe në aspektin sentimental mos mbani shumë shpresa, pasi do të ketë ditë të karakterizuara nga presioni i madh. Kujdes maksimal në datat 13 dhe 27.