Ky është horoskopi për ditën e hënë, 26 shkurt 2018 që IN Tv.al sjell për ju. Njihuni me parashikimin për punën, shëndetin dhe ndjenjat, si do të ecë dita për të lindurit e çdo shenje.

Dashi

Po kaloni një moment reflektimi, lidhur me çështjet private. Yjet kërkojnë që të shuani çdo dyshim dhe pasiguri që ju shqetëson. Kjo është dita e duhur për të rigjetur entuziazmin ata që janë vetëm, ku një njohje e re do i bëjë kureshtarë. Në sajë të ndikimit të Hënës, do të dini ti pranoni problemet, pa shmangur përgjegjësitë tuaja.

Demi

Mundohuni të ruani dialogun me partnerin/en, gjë që do ju lejojë të afroheni edhe më shumë me të. Bëjeni pa ngurrim dhe mundohuni të ruani protagonizmin. Ata që janë vetëm, mund të përballen me një person dhe rezultati duhet kapur fluturimthi. Në sferën profesionale me maturi dhe kujdes, do të arrini të gjeni rrugë të reja.

Binjakët

Do e nisni javën në mënyrën më të mirë të mundshme. Do të jetë një e hënë që do kalojë pa problem apo komplikime. Parashikohet një darkë intime me partnerin/en. Të reja interesante parashikohen për ata që janë vetëm, ku priten takime vërtetë intriguese. Hëna do ju ndihmojë që të ruani raportet e duhura dhe distancën e nevojshme me kolegët dhe bashkëpunëtorët.

Gaforrja

Kjo është një ditë mjaft e favorshme për të lindurit e kësaj shenje. Aleanca e Hënës me Mërkurin, do ju bëjë optimist. Parashikohen shpërthime të mëdha pasionante, nëse jeni në çift. Ndërsa për ata që janë vetëm, Hëna garanton një raport shumë. Në punë, ky është momenti ideal për të bërë projekte të mëdha, pasi do jeni në gjendje të ndërmerrni plane të jashtëzakonshme.

Luani

Lëreni pas shpine të kaluarën dhe kujtimet e këqija, por më mirë jetoni të tashmen me qetësi të plotë. Përqendrojini energjitë dhe emocionet tek personi që dashuroni. Ata që janë vetëm, do përjetojnë flirtime interesante. Në punë, duhet të bëni edhe një sforcim të vogël, në mënyrë që të zhdukni një herë e mirë, një problem që ju shqetëson.

Virgjëresha

Prania e Mërkurit dhe e Hënës, do të ketë ndikim pozitiv për të lindurit e kësaj shenje. Pritet një përmirësim i ndjeshëm në raportin në çift si dhe në humorin tuaj. Nuk do të mungojnë mundësitë e mira për ata që janë vetëm, që të nisin një histori të re. Në sferën profesionale do të jeni gati të kapërceni çdo pengesë me grintë dhe energji, pasi asgjë nuk do ju trembë.

Peshorja

Kini gjithmonë besim tek intuita juaj, dashuria nuk vendoset në tavolinë dhe këtë gjë e dini mirë. Parashikohet pasion në horizont për një person që dashuroni dhe që do të shfaqë entuziazëm ndaj jush. Lajme të mira për ata që janë vetëm dhe janë angazhuar që të bëjnë njohje të reja. Dikush do i turbullojë. Yjet lajmërojnë promovime të rëndësishme dhe njohje të meritave në sferën profesionale, duke marrë shpërblimin e merituar.

Akrepi

Mundohuni të keni më shumë besim tek personat që keni pranë. Nëse jeni në një raport në çift, do të gjeni atë që kërkoni tek personi që dashuroni, i cili nuk do ju fshehë asgjë. Ata që janë vetëm, duhet të jenë më të qartë me personin që dashurojnë, për të hequr çdo dyshim. Në sferën profesionale, me ndikimin e favorshëm të yjeve, nuk do e keni të vështirë që të merrni pozicion të dorës së parë.

Shigjetari

Dikush do të angazhohet konkretisht, i bindur në qëllimin e mirë të partnerit/es. Priten zbulime të reja, të cilat mund të turbullojnë raportin. Ata që janë vetëm do të bëjnë njohje të reja. Në punë shfaqja e superioritetit tuaj, nuk do të shërbejë për të harmonizuar raportet. Pak përulësi, nuk do ju prishë punë.

Bricjapi

Mundësi të mëdha, ndoshta të papritura për ata që janë në një lidhje në çift, të cilët do të përjetojnë intensitet të plotë me partnerin. Nëse jeni vetëm do të kaloni një fillim jave shumë të qetë me miqtë. Në punë do të shfaqni vullnet të plotë dhe do jeni me këmbë në tokë.

Ujori

Hëna në harmoni me Mërkurin në shenjën tuaj, do e kthejnë dialogun në pikë themelore të lidhjes tuaj. Përfitimet më të mëdha do i ketë sektori i ndjenjave. Edhe ata që janë vetëm, do mund të jetojnë momente të ëmbla dhe romantike. Në punë, kini besim te kapaciteti juaj dhe tregohuni të gatshëm për të kryer punë dhe angazhime vërtetë të shkëlqyera.

Peshqit

Një Hënë interesante e pranishme në shenjën tuaj, do ju ndihmojë që të plotësoni nevojat që keni. Në raportin në çift, delikatesa do ia lërë vendin gradualisht pasionit. Ata që janë vetëm, do e jetojnë këtë ditë disi lehtshëm dhe pa e vrarë shumë mendjen. Në punë, do të përballeni me situata të cilat do të kenë nevojë për menaxhimin e duhur.