Kësaj here, rubrika “Anabel Lab”, e cila u transmetua sot (18 qershor), në programin “Hostel by Anabel” në INTv, erdhi më e ëmbël se kurrë.

Ndryshe nga hera e kaluar kur 3 djem krejt rastësisht vendosën të ndanin pasionin e tyre për make up-in, në Lab-in e radhës 4 kuzhinierë ende amator do të përgatisnin tortën e bërë nga një prej pastiçerive më të famshme në Tiranë, Pastelitos Cake Boutique.

Deamishel, i prezantoi konkurrentët me jurinë, Ana Lucia Ramazzini, pastiçiere e famshme nga Guatemala dhe Onofrio Campobello.

4 konkurrentët ishin Klejda Billa, Xhoi Bare, Mihajlinda Zenelak dhe Nevila Xholi. Ndonëse të gjithë amatorë, ajo çfarë i bashkonte ishte pasioni për tortat.

Klejda Billa

Xhoi Bare

Dy prej tyre, Nevila dhe Mihajlinda kishin nisur ta ndanin talentin dhe punën e tyre edhe në Instagram. Përkatësisht @bakemydayhappy dhe _homemade.recipes_ janë llogaritë personale në të cilat vajzat ndajnë çdo krijim tyrin në kuzhinë.

Mihajlinda Zenelak

Nevila Xholi

Detyra e tyre është të rikrijonin tortën në foto, e cila në fakt ngjan më shumë si një vepër arti.

Ata u lanë në krijmtari të lirë dhe brenda një minutazhi të përcaktuar duhet të përfundonin tortat e tyre.

Proçesi në fakt ishte dyfish më i vështirë, duke qenë se prania e jurisë e bënte edhe më emocionuese.

Gjithsesi, të gjithë konkurrentët i morën me sportivitet vlerësimet e jurisë.

Kjo ishte torta e Xhoit! Në vend të kateve dhe flamengos, Xhoi mendoi të shkruante në mes të tortës Anabel dhe juria ja vlerësoi përpjekjen...

Torta e Mihajlindës.

Ndërsa Klejda vendosi të luante me ngjyrat.

Torta e fundit ishte ajo e Nevilës, e cila në minutat e fundit mendoi se një limon në krye të tortës do të ishte mirë.

Pasi i panë dhe provuan të gjitha, dyshja e jurisë zgjodhi fituesin dhe ajo ishte pikërisht Mihajlinda, torta e së cilës afrohej më shumë se të tjerat me tortën model.

Hidhini dhe një sy!

'Hostel by Anabel' transmetohet në INTv çdo të hënë ora 17:00 dhe ritransmetim, të martave ora 12:00.