"Mind Of Mine" do te quhet albumi që do të dalë në treg në muajin mars, por duke pare videon e realizuar për këngën "Pillowtalk", mendja e Zayn ka vendosur të na çmend të gjithëve. E themi këtë pasi në klipin e sjellë Zayn ka zgjedhur si bashkëprotagoniste të dashurën e tij aktuale, bukuroshen Gigi Hadid. Skena sensuale dhe provokuese, të cilat brenda pak minutash kanë bërë që një lumë postimesh të vërshojë në Twitter nga fansat e këngëtarit por edhe të supermodeles. Sipas tyre kënga është nga ato që të ngelet në mendje gjithë ditën. E në fakt e shoqëruar edhe me këtë klip duhet thënë se ia ka vlejtur pritja prej gati një viti, për muzikën e Zayn Malik!