Hueyda El Saied ka patur një periudhë të vështirë në jetën e saj sentimentale para disa muajsh, pasi i dha fund martesës 5-vjeçare, martesë nga e cila është bërë nënë e një djali. Ashtu siç u mor vesh, Hueyda u nda nga bashkëshorti për shkak të tradhëtisë, por preferoi që detajet t’i mbante shumë private.

Por siç duket bukuroshja ka ndërruar mendje dhe teksa ishte e ftuar në “Thumb” të Aulonës dhe Fatmës, rrëfeu në studio se ajo e kishte kapur tradhëtinë e bashkëshortit pikërisht nga celulari. “E kisha dhe unë gjurmën e gishtit tek telefoni i tij që mund ta hapja si passëord dhe e pash” – ka thënë ajo. Ndërkohë pyetjes së Fatmës nëse ishte një tradhëti që bënte fjalë për një lidhje paralele, Hueyda iu përgjigj: “Po, paralele, edhe pse nuk e di mirë sepse nuk iu futa shumë thellë situatës”.

Më pas ajo ka treguar për Aulonën dhe Fatmën në “Thumb” se dy javë ka qarë më pas e ka mbledhur veten duke dashur që të jetë një mami e lumtur dhe e mirë për djalin e saj, Gabrielin.