Ai u shtrua në spital në muajin qershor por nuk ia doli dot të jetonte më gjatë. Babai i legjendës së muzikës, Michael Jackson, është ndarë nga jeta në moshën 89-vjeçare.

Shëndeti i tij ishte shumë i brishtë, që kur Joe pësoi një goditje në tru dhe 3 sulme në zemër në vitin 2015. Ai jetonte përmes një stimuluesi kardiak, por mëngjesin e së mërkurës ndërroi jetë në Los Angeles.

Babai i Michael-it i qëndroi pranë djalit gjatë gjyqeve për ngacmimet seksuale. Pas vdekjes së Michael, Joe u kritikua për përpjekjen për të fituar para nga djali i tij.Joe kishte 10 fëmijë me Katherine, gruan e tij prej më shumë se 60 vjetësh. Ata nuk jetonin së bashku dhe kishin një marrëdhënie të tensionuar në vitet e fundit të jetës së tij.