Humbja me Turqinë ka lënë pasoja në pozicionimin e Shqipërisë në renditjen e FIFA.

Kombëtarja jonë ka humbur një pozicion dhe e sheh tashmë veten në vendin e 62-të për këtë muaj. Fitorja me Andorrën nuk ka ndikuar aspak në rezultat.

Ndërkohë në krahun tjetër Kosova pas barazimit me Danimarkën dhe atë me Bullgarinë në kualifikuese është ngjitur me tre pozicione më lart. Sa u përket vendeve të para nuk ka ndryshime të mëdha, me Belgjikën që qëndron në krye të renditjes, e ndjekur nga Franca në vendin e dytë, ndërkohë që vendi i tretë mbahet nga përfaqësuesja e Brazilit, që pasohet nga Anglia dhe Kroacia.