Lajmi i arrestimit të Valentin Selajt, i dashuri i moderatores, Viola Spiros, ka qenë ndër më të komentuarit pasi dhe gazeta italiane "La Nazione" shkruajti se ai ishte kreu i një bande të fuqishme ndërkombëtare dhe se ai sillte kokainë nga Amerika në Firenze nëpërmjet Hollandës. Kryefjalë e mediave në Itali dhe në Shqipëri ishte edhe Viola Spiro duke u komentuar gjithashtu për jetën luksoze të dyshes dhe për marrëdhënien e saj me të Valentinin. Këto lajme kanë prekur edhe mamin e Violës, Brunilda, e cila ka shpërthyer nëpërmjet një statusi në Facebook ku shkruan se gazetarët nxijnë gjithçka dhe e përpunojnë lajmin si ju leverdis atyre, shkruan intv.al. Si dhe në fund ajo i kërkon falje Violës që në këtë ditë nuk mund ta mbrojë. Ndërsa Viola ka reaguar në mënyrë të shpejtë ku ka fshirë çdo koment edhe ka bërë mbylljen e tyre që askush mos komentojë në asnjë prej fotove të saj.

Postimi i plotë i mamit të Vilës, Brunilda Spiros:

"Ktheni pasqyren nga vetja!Larg gjuhet e liga nga vajzat e mia!

Nese do mundesha, do ju thyeja gishtat, ju gazetareve, do ju nxirrja syte, do ju shkurtoja gjuhen dhe kjo mizori do me falej nga e drejta e memesise.

Njesoj si kllocka, qe i nxjerr syte gjithkujt, qe ngacmon zogjte e saj.

Meqe nuk mundem, po ju jerkoj falje:

Ju kerkoj falje, sepse ju lodheni shume, duke nxirre gjithcka dhe duke nxjerre gjithcka.

Lodheni shume per te kerkuar lajmin, qe shpesh e rregulloni sipas oreksit te pritshmerise publike, qe ai te shese.

Lodheni shume per te gjetur llojin e helmit, qe vret nje pale dhe llojin e ushqimit, qe zgjat jeten e ushtrimit te pushtetit, nga pala tjeter.

Lodheni, duke u lodhur per klikime…

Meqe nuk mundem, po ju kerkoj falje te rinjve, si vajza ime:

Ju kerkoj falje, sepse kur vajzat e mia lodheshin ne pune dhe jo argetim, sic ju dukej nga ekranet e shtepise apo klubeve tuaja, shume prej jush, rehatoheshit ne ndonje kolltuk apo divan.

Ju kerkoj falje, sepse e dini te lehte te dalesh ne ekran.

Ju kerkoj falje, se kur cdo fundjave benin prova per te mesuar kercimin e javes, ju flinit deri ne dreke…

Ju kerkoj falje, se kur ato punonin pese dite te javes, me orar zyrtar, ju te shumtit, bridhnit kafeneve, apo gjoja shkolloheshit.

Ju kerkoj falje, sepse dalja ne ekran, juve, ju duket shume e lehte dhe shpesh edhe si gazetare apo prezantuese, jo vetem vajzat e mia, por te gjitha i kritikoni dhe i shani si t’ ju kenaqet shpirti.

Ju kerkoj falje, sepse shume prej jush, harroni qe edhe kur coheni para klases dhe keni shoket tuaj perpara, mezi flisni dy fjale.

Harroni emocionin, qe te ben te harrosh edhe ato qe di mire.

Harroni, qe ata qe flasin shpejt apo shume, nuk jane me te miret, por qe shpesh flasin me shume ata, qe nuk mendohen para se te flasin apo nuk e vrasin mendjen se cfare thone.

Ju kerkoj falje, se mbase nuk e kuptoni, qe vajzat e ekranit, qe i shani dhe i degjeneroni, ju japin nga shpirti, bukuria dhe buzeqeshja e tyre, shpesh e sakrifikuar, se do donin te qanin, pasi kane dhe halle.

Askund nuk i shajne, por i duan dhe i respektojne, pasi ne vendet e zhvilluara, edhe para nje grupi te vogel te performosh, te vleresojne guximin, aftesine dhe mundimin.

Ju kerkoj falje , sepse nuk e merrni dot me mend sa te forta jane, te durojne sulmet mes tyre, sidomos neperkave ziliqare, ngacmimet seksuale nga ndonje drejtues, qe nuk eshte i zoti te gjeje dashnore, pa i kercenuar me vendin e punes, te durojne shpifjet e mediave jo serioze, por te durojne dhe ju qe i komentoni te gjitha bukuroshet, me silikon, pa silikon, sikur i keni pjelle ju dhe i njihni qysh femije.

Ju kerkoj falje ju vajzave, qe megjithe nderhyrjet, te cilat shume prej jush i beni dhe nuk i thoni kujt, kur nuk beheni si ato, i shani dhe i stershani perseri ato, per cdo deshtim tuajin.

Harroni shprehjet popullore, te cilat jane filozofia me e shkelqyer. Ja njera prej tyre:”Nuk ngrihesh vete, duke ulur te tjeret”

Ju kerkoj falje ju bashkeatdhetare, qe shani te rinjte dhe te rejat, por harroni qe, ata jane produkt i shoqerise, juaji. Nese ju eshte thyer pasqyra e shpirtit, shkoni ne ndonje pellg me uje dhe shihuni, mbase na duhet te mbytemi te gjithe bashke.

Ju kerkoj falje, te gjithe grave, te fejuarave dhe te dashurave, te ministrave, deputeteve, drejtuesve, policeve, etj., te cilat jane te dashuruara me ta, sepse ata jane te mire, te bukur, inteligjente, te pasur, shume te pasur me pasurine e babait apo gjyshit te tyre…

Ata nuk jane te korruptuar, nuk jane bose droge, nuk na vodhen dhe nuk po na vjedhin, por ato grate, te fejuarat, te dashurat i duan per ate qe jane, jo per leket e tyre.

Ju kerkoj falje grave te fshatareve dhe fermereve te anembane Shqiperise, qe i duan burrat dhe te dashurit e tyre se jane bose hashashi dhe droge.

Te kerkoj falje dhe ty Bledi, qe shpesh thua te verteta te verteta, por ndonjehere ben si gjahtar “shtrigash”, godet femrat dhe femijet e baballareve te zhytur ne krim dhe harron qe te gjithe ne, edhe ti bashke me ne, jemi fajtore.

Migjeni jetoi shume vite me pare, por ishte shume me i ditur dhe kurre nuk denoi nje femer,sic bere me kengetaren e njohur, duke i thene:” Kerkoji falje k… llekut”.

Ai as emrin nuk ia shkruante, por e pergjithesonte:”Njena nga ato…”, sepse kurre nuk denoi individin, por denoi krejt shoqerine dhe pushtetin.

Ne asnje fjali nuk shave prezantuesin mashkull, por vetem femren…

I kerkoj falje vajzes, qe nuk mundem ta mbroj, kur e njoh shume mire dhe eshte vajza qe do donte cdo nene. E bukur natyralisht, inteligjente, e dashur dhe thjesht si gjithe njerezit e kesaj kohe dhe bote, qe po humb ekuilibrin, perpiqet te mbijetoje me punen e saj, me nder, pa u bere pre e presioneve te asnje drejtuesi.

I kerkoj falje qe nuk ia mbroj dot dashurine e saj, qe po ia kthejne ne pazar lekesh, se dashuria e saj eshte dashuri.

I kerkoj falje qe nuk e mbroj dot dhe nuk jam prane saj, sot qe ka nevoje dhe nuk ia fshij dot lotet.

Mjaft!

Nuk rregullohet shoqeria shqiptare me fyerje, sharje dhe mllef!

Ju kerkoj falje qe keni kaq mllef per njeri- tjetrin, pasi nuk e drejtoni ate ndaj boseve te vertete te neperkembjes tuaj.

I kerkoj falje dhe atyre qe do me shajne, sepse nuk kane kohe te ndalin kohen e mllefit te brendshem, sic e thote nje filozof shqiptar:”Tanatosin” brenda tyre, por pa kthyer syte nga vetja, shajne dy te rinj 28 vjecare dhe nje nene, qe do te mbroje femijen e vet deri ne vdekje.

Behuni te zgjuar dhe mos u mashtroni diten me diell: ” Boset e droges, jane gazetaret qe u pasuruan me shitjen e fjales se lire, qe kane vila disa milone euro, policet dhe politikanet"