Aktorja e njohur Rudina Dembacaj ka ndarë këtë herë me fansat e saj në instagram një moment të vështirë duke rrëfyer se i ati ka probleme shëndetësore dhe ndodhet i shtruar në spital.

Ajo ka postuar një foto të dorës së të atit shtrënguar në dorën e saj, ndërsa shkruan: “Në përgjithësi nuk i tregojë momentet e vështira në rrjetet sociale. Jo për ti fshehur, por për të mos transmetuar trishtim tek ata që na ndjekin, por ja vlen ta bësh publike kur ke falënderime të sinqerta për të bërë”. Më pas Rudina ka falënderuar stafin e mjekëve në QSUT, të cilët i kanë shërbyer më së mirë të atit të saj. Rudina nuk ka dashur të tregojë më tepër lidhur me problemet e tij shëndetësore, por ka vijuar me falënderimet për bluzat e bardha.