Moderatorja e njohur Bora Zemani, ditën e sotme përmes një postimi në Instastoryn e saj, bëri të ditur se një projekt i ri do të fillojë në fillim të sezonit të ri televiziv.

Bora nuk dha asnjë informacion në lidhje me projektin duke preferuar ta mbajë surprizë.

Mirëpo burime nga 'Iconstyle' kanë zbuluar se emisioni më i ri nga ajo, është një emision i lidhur me modën.

Emisioni do të quhet "ADC" dhe për realizimin e tij, Bora do të bashkëpunojë me stilistin e njohur Ardi Asllani.

Ky emision do të vijë si një konkurs me 10 njerëz pjesëmarrës. Atyre do iu jepet tema e caktuar për të skicuar veshje. Në fund fituesi do të shpërblehet me një atelie me qira dhe një vit e ka të paguar.