Për to seksi është më pak i rëndësishëm, gratë janë më të orientuara nga romantizmi, gratë nuk bëjnë seks pa dashuri...Kush e thotë këtë? Këtu janë pesë mite të gabuara për seksualitetin e grave dhe raportin që ato kanë me marrëdhëniet seksuale.

1. Gratë kanë më pak dëshirë sesa burrat

Gënjeshtër, gënjeshtër totale! Burrat janë më të hapur për t'i shprehur fantazitë e tyre ose komentet seksuale. Ndërsa, gratë ka më shumë gjasa që ta mbajnë gjithçka brenda vetes ose t'i lënë mendimet të fluturojnë pa hapjen e gojës. Shkurtimisht, qasja ndaj seksualitetit mashkullor apo femëror diktohet në parim nga projeksioni gjenital: i jashtëm dhe i brendshëm.

2. Seksi nuk është i rëndësishëm për gratë

Sakrilegj! Asgjë nuk mund të jetë më e rreme! Ne e duam seksin si çdo krijesë tjetër seksualisht aktive. Ne e duam atë, sepse ne jemi duke menduar si qenie me një ndjeshmëri të fortë. Ne e duam atë sepse na bën të ndihemi të lirë, të kënaqur fizikisht dhe mentalisht. Dhe ne e konsiderojmë atë një pjesë të rëndësishme të jetës sonë, në të njëjtën mënyrë si familjen, punën, fëmijët, etj.

3. Një ditë, e dashura, gruaja ose nëna ndryshojnë...

Sigurisht, ka ndryshime në zakonet e përditshme, oraret, angazhimet, pa asnjë hije dyshimi. Por kjo nuk do të thotë se dëshira jonë shuhet ose dobësohet. Të kesh një partner apo një partnere stabilizon jetën, si dhe të kesh fëmijë, por jemi gjithmonë të gatshëm të presim pak kohë për t'ju kushtuar seksualitetit. Në të vërtetë, në moshën 20 vjeç, madje edhe në moshën 30 ose 50 vjeçare, në të gjitha moshat, gruaja pëlqen të bëjë dashuri dhe të konsiderohet si objekt i interesit seksual të partnerit të saj.

4. Gratë nuk masturbohen

Nuk ka gënjeshtër më të madhe, pasi nuk ka tabu më të komplikuar se kjo. Masturbimi i femrës gjithmonë është parë si një sekret i madh që nuk duhet të ndahet, në të njëjtën mënyrë që gratë gjithashtu shikojnë porno. Dhe ende mbetet një tabu sot: vetëm 60% e grave thonë se tashmë kanë praktikuar masturbimin, sipas revistaclass. Dhe pjesa tjetër prej 40%? A nuk masturbohen? E vetmja siguri që kemi është se masturbimi na ndihmon të kuptojmë veten dhe kënaqësinë tonë, prandaj është thelbësore.

5. Nuk është e rëndësishme për gratë që të arrijnë orgazmën

Çfarë? Imagjinoni veten në një darkë në restorant ju dhe partneri juaj. Pjatat janë ende në tryezë, partneri juaj përfundon së ngrëni dhe vjen kamerieri dhe vendos për të hequr edhe pjatën tuaj ndërsa jeni ende duke ngrënë. A do të ishit e lumtur? A do të ishit e kënaqur? E njëjta ndjenjë është ajo që përjetojmë kur shumë më shpesh në një dinamikë heteroseksuale, marrëdhënia ndërpritet pasi partneri tashmë ka arritur orgazmën dhe gruaja nuk e ka përjetuar ende atë! Shkurtimisht, edhe nëse duam të bëjmë dashuri në të gjitha nuancat e saj, ne gjithashtu duam orgazmën!