Reperi i njohur Capital T ka korrur suksese që prej kohës kur u shfaq për herë të parë në skenat shqiptare. Këngët e tij arrijnë miliona klikime, ndërsa ftesat për koncerte i kanë dhënë mundësinë të lëvizë në çdo vend ku ka shqiptarë. Si gjithmonë i veçantë në stil dhe muzikë, Capital T premton vetëm hite dhe sukses.

Ai është shumë aktiv në rrjetet sociale ku ndan me ndjekësit e tij foto e video të ndryshme dhe ditën e sotme ka publikuar një foto me një makinë superluksoze të verdhë, ndërkohë që shkruan:

“Mos e merrni jetën shumë seriozisht, film i metrazhit t’shkurt osht, have fun and enjoy it as much as u can”

Por krahas shumë komenteve bie në sy ai i Bes Kallakut i cili i thotë: Edhe ti vlla mos e merr makinën seriozisht kur të mbarosh punë, lerja prapë atij që ja ke marrë”. Kapo nuk u mërzit nga ky koment sepse kuptohet që ishte shaka dhe i tha: Patjetër, sapo të mbaroj punë.