I ftohti polar! Rrugët ku duhet të keni kujdes nga ngricat e dëborës.

Publikuar më: 10:42 15-01-2016

I ftohti polar po vjen. Këtë fundjavë termometri do të shënojë ulje të ndjeshme të temperaturave, të cilat do të kulmojnë në fundjave dhe gjatë javës së ardhshme.
Parashikohet që temperturat në zona të thella të ulen deri në -15 gradë. Për pasojë gjitha rrugët në lartësinë mbi 200 m mbi nivelin e detit, do të preken nga bora dhe ngricat.
Rrethet, që pritet “të pushtohen” nga dëbora duke nisur nga pasditja e të shtunës janë kryesisht në rajonet veri - lindjes së vendit, por dhe disa në juglindje.
Në këto ditë prezente do të jenë dhe rreshjet e shiut, që sasia më e lartë do të shënohet në qarkun e Shkodrës, ku priten të shkojnë deri në 90 mm. Nga rreshjet e dendura të shiut pritet të preket dhe Tirana, Elbasani, Lezha, Kukësi, Dibra me një sasi rreth 45 mm.

Për t’u paraprirë situatave të vështira e problematike, Ministria e Brendshme ka udhëzuar prefektët dhe përfaqësuesit e pushtetit lokal, që të marrin masat e duhura, sidomos në drejtim të mirëmbajtjes së akseve rrugore duke inspektuar gatishmërinë e mjeteve, forcave, si dhe depozitimin e granileve dhe kripës në segmentet problematikë.

Referuar parashikimeve, akset rrugore që mund të bllokohen apo do të kenë vështirësi në qarkullim do të jenë:

Shkodër – Koplik - Hani i Hotit

Shkodër - Kelmend

Shkodër – Lezhë - Milot

Vau i Dejës - Pukë

Pukë - Fushë Arrëz

Fushë Arrëz - Qafë Mali

Qafë Mali - Bajram Curri - Valbonë

Qafë Mali – Kukës - Morinë Bajram Curri – Helçan - Krumë

Krumë – Kukës - Morinë

Rruga e Kombit: Milot – Rrëshen - Morinë

Milot – Burrel - Qafë Buall – Bulqizë – Peshkopi - Maqellarë