Dua Lipa është padyshim një nga këngëtaret që po korr më shumë sukses në arenën ndërkombëtare.

Përveç vokalit të mahnitshëm dhe fitimit të shumë çmimeve ndërkombëtare, ku mund të përmendim dy Grammy, këngëtarja ka edhe një bukuri të admirueshme.

Para një muaji, këngëtarja i ka dhënë fund lidhjes disa vjeçare me ish të dashurin e saj kuzhinier Isaac Carew dhe tashmë ajo sapo ka filluar një lidhje romantike me vëllain e dy modeleve të famshme Bella dhe Gigi Hadid, i cili quhet Anwar Hadid.

Në 26 gusht në New Jersey u zhvillua ceremonia e rëndësishme e ndarjes së çmimeve “MTV Video Music Awards”.

Pjesë e eventit u bënë artistë të njohur në të gjithë botën, të cilët kishin lënë pas çdo gjë tjetër vetëm për t’u bërë pjesë e ndarjes së çmimeve.

Megjithatë mes këngëtarëve u vu re se, Dua Lipa nuk parakaloi në tapetin e kuq, madje nuk u duk fare as gjatë natës.

Këngëtarja me origjinë shqiptare zgjodhi të mos marrë pjesë edhe pse ishte e nominuar në disa kategori.

Por më në fund u zbulua dhe arsyeja se përse këngëtarja nuk mundte dot të merrte pjesë në eventin e rëndësishëm.

Së fundmi, është mësuar se Dua Lipa kishte pësuar një incident të pakëndshëm në mes të rrugës.

Goma e makinës së saj u prish, dhe kjo i kushtoi jo pak. Dua ishte nisur për të marrë pjesë në ndarjen e çmimeve të VMA-së, por kjo ia pamundësoi.