Duam apo s’duam ne, Instagram-i është kthyer në një ndër format më të përdorura ose të pëlqyera të marketingut për personazhet e njohur shqiptarë dhe jo vetëm.

Ky rrjet social, i cili është më i përdoruri dhe më i preferuri nga të gjithë dhe këtë nuk e themi ne, por sondazhet e shumë të realizuara, tashmë nuk shërben vetëm për të postuar thënie të ndryshme, selfie apo për të treguar se çfarë po ha, por është shndërruar në një mjet të fuqishëm biznesi dhe reklamimi.

Tashmë është bërë trend që numri i ndjekësve në këtë platformë është sukses më vete dhe jo rrallë herë ndodh që kur personazhet e njohur arrijnë një numër të caktuar ndjekësish, gëzimin e tyre e ndajnë me fansat.

Duke përshjashtuar vajzat më të suksesshme si Rita Ora, Bebe Rexha, Dua Lipa, më me shumë ndjekës është Loredana.

Në një hark kohor të shkurtër, Loredana ka marrë fronin si personazhi i njohur publik shqiptar me më shumë ndjekës në Instagram. Arsyet? Me siguri, skandali në Zvicër, lindja e vazës, ndarja nga Mozzik, thashethemet për jetën private si lidhja me Zunën apo ribashkimi me Mozzik.

Para disa muajsh, ajo kishte rreth 2.8 milionë ndjekës, mirëpo teksa i hodhëm një sy Instagramit të saj, vëmë re që ajo ka 100 mijë ndjekës më pak, pra 2.7 milionë të tillë.

Ndoshta arsyeja pse ajo ka humbur kaq shumë ndjekës është fakti që hoqi dorë nga rrjetet sociale për disa javë me rradhë.