Duke nisur nga sot e deri në fund të javës Shqipëria do të përballet me një të nxehtë ekstrem. Ky fillim muaji pritet të shënoje temperaturat më të larta të këtij sezoni veror. Sinoptikanët parashikojnë që i nxehti afrikan do të shtrihet mbi të gjithë vendin, ku temperaturat do shënojnë 40 gradë celsius. Por këto matje bëhen në hije. Në diell dhe sidomos ne hapësirat pa gjelbërim e me asfalt, temperaturat do te ndihen disa grade me te larta.
Përgjatë kësaj jave këshillohet që fëmijët dhe mosha e treta të shmangin sa më shumë daljet në diell sidomos në orën e pikut, kryesisht rreth orës 11-16.
Sipas sinoptikaneve muaji Gusht do jetë përgjithësisht me diell por dhe vranësirat nuk përjashtohen.
Megjithatë edhe pse kjo javë pritet të jetë java më e nxehtë e këtij viti, ajo nuk është më e nxehta që Shqipëria ka përjetuar. Në 2015 temperaturat kapën një rekord prej 43 grade celsius.