Në orët e vona të ditës së dielë në qytetin e Shkodrës është shënuar një atentat me kallashnikov në qëndër të qytetit. Mësohet se nga atentati me armë zjarri ka mbetur i plagosur një person i cili po udhëtonte me automjet.
Sipas policisë, disa persona të paidentifikuar kanë hapur zjarr me kallashnikov ndaj automjetit tip “BMË X5” ngjyrë e zezë dhe targa angleze "SB 60 CEA", në drejtim të shoferit, i cili thuhet se ka shpëtuar për shkak se makina kishte timonin në krah të kundërt.
Mjeti ka qenë në ecje në momentin që është qëlluar dhe ka ndaluar nga ku ka zbritur shtetasi i plagosur Dorian Shtjefni, i cili ka ecur për disa metra në këmbë dhe ka hyrë në një lokal duke kërkuar ndihmë. Ai është transportuar në Spitalin Rajonal të Shkodrës në gjendje kritike për jetën.

Policia dyshion se atentati ka të bëjë me gjakmarrje pasi Shtjefni ka kryer një vrajse pak vite më parë.