Shqipëria ka nxjerrë shumë talente në muzikë dhe disa prej tyre po vlerësohen në botë.

Së fundmi shqiptari Gjon Muharremaj ka mahnitur jurinë franceze, por edhe publikun në “Voice of France”, me interpretimin e “Rocket Man” të Elton John, duke kaluar në gjysmëfinalen e kompeticionit.

Gjon Muharremaj, që njihet me emrin e artit “Gjon’s Tears” apo “Lotët e Gjonit”, ka lindur në Zvicër, ka origjinë shqiptare, me babain nga Kosova dhe nënën nga Tirana.

Në vitin 2011, ai është ngjitur në skenë edhe në spektaklin “Albania’s Got Talent”, pavarësisht se i ri në moshë. Ai tani synon që zëri i tij të dëgjohet jo vetëm në Shqipëri, por edhe jashtë saj, ndërsa ëndrrat janë të mëdha.

Me sytë nga finalja, Gjoni vazhdon tani aventurën e tij në “The Voice 8” të Francës, duke na bërë jo pak krenarë.