Duket se çdo ditë e më shumë po shtohen diss-et e këngëtarëve ndërmjet kolegëve të tyre. Së fundmi, grupi “Hellbanianz”, që përbëhet nga disa djem që jetojnë në Angli, kanë publikuar këngën e tyre të re që quhet “A je normal?”.

Mirëpo në tekstin e këngës vihet re qartë diss-i i fortë që ata i kanë bërë grupit të njohur OTR, ku reperët përmendin në vargje modelen e njohur, Oriola Marashi, e cila është pjesë e këtij grupi.

Pas këtij “DISS-i” kanë reaguar djemtë e OTR, Noizy, Varrosi, Lil Koli duke publikuar secili nga një foto në instagramin e tij ku shkruajnë: “S’ka naj gjo” e ndoshta me siguri po përgatisin kundërpërgjigjen e tyre.

Hellbanianz i kanë parë këto reagime dhe kanë paralajmëruar që do bëjnë një diss tjetër.

Mirëpo Noizy nuk e mbylli me aq, pasi ka publikuar një foto nëpërmjet së cilës tregon konfirmimin që ka porositur FERRARIN më të ri “488 PISTA”.