Epidemia e tmerrshme e drogës,ka pushtuar qytetit Lincoln, ku shihen përdoruesit që shtrihen në dyshemet e dyqaneve apo të qëndrojnë në kabinat telefonike vetëm, për disa ditë. Imazhet tronditëse kanë zbuluar se si qyteti i qarkut Lincolshire që ndodhet në lindje të Anglisë, ka rënë viktimë e 'zombieve të drogës ', pasi njerëzit që shihen në foto ngjasojnë me serialin horror amerikan “ The Walking Dead", “I vdekuri që ecën”.

Tabloidi anglez "Mirror" i ka kushtuar një artikull situatës së rëndë që ka pllakosur këtë qytet duke sjellë imazhet shqetësuese. Epidemia e tmerrshme e drogës ka bërë që nëpër rrugët e Lincoln-it të shihen përdoruesit që shtrihen në dyshemet e dyqaneve, në kabina telefonike. Ata shihen gjithashtu ndërsa qëndrojnë të shtrirë pranë memorialit të luftës në qendrës së qytetit, apo edhe nw parqe. Pronarët e bizneseve i kanë krahasuar me personazhet në një shfaqje horror .

Ata po bëjnë thirrje për veprim urgjent me frikën se pamjet e rënda do të jenë "të këqija për biznesin". Një biznesmen tha: "Ata janë si zombies që ecin përreth - sinqerisht, është sikur të shikosh “The Walking Dead". Dyqanet thonë se personat e varur nga droga, të cilët zakonisht janë burra të rinj, përkeqësojnë situatën me klientët e tyre, bërtasin pas abuzimit dhe u luten njerëzve për ndryshim. "Ne po i bëjmë thirrje publikut të qëndroj i sigurt dhe të marrë në konsideratë pasojat e marrjes së drogave të rrezikshme”-tha një zëdhënës i shëndetësisë. "Përdoruesit e barnave sintetike nuk e dinë gjithmonë se cilat substanca janë të dëmshme dhe janë shumë të rrezikshme.

Efekti mund të jetë më i rëndë nëse përdoruesi i merr ato me substanca të tjera. Fokusi ynë, së bashku me agjencitë e tjera, është t'i mbajmë njerëzit të sigurt dhe t'i inkurajojmë ata që të kërkojnë ndihmën që është në dispozicion". Duke folur më parë për trajtimin e çështjeve të larta ligjore, Matt Corrigan, shefi ekzekutiv i Lincoln BIG, zbuloi se kishte biseduar me policinë, por këmbënguli se një përpjekje më e madhe është e nevojshme për të trajtuar problemin.

"Ne e pranojmë se është një problem që përfshin shumë agjenci dhe njerëz”-tha ai. "Nuk është vetëm për policinë. Ka të bëjë me ofrimin e mbështetjes për njerëzit. Unë mendoj se po kërkojmë disa rezultate nga ky proces."-u shpreh Corrigan.