Një ngjarje e rëndë ka tronditur Tiranën mbrëmjen e sotme pas një atentati në zonën e ish-bllokut. Si pasojë ka mbetur i vdekur një person dhe janë plagosur Ervis Martinaj e Leart Hasa (plagosje  e lehtë).

Grupi hetimor ka shkuar në lokalin ku ndodhur ngjarja e rëndë dhe ekipet e posaçme kanë nxjerrë nga lokali trupin e pajetë të viktimës për ta transportuar në morg. Burime paraprakë thonë se viktima është Rigers Gaxha, truproja e Ervis Martinajt, megjithatë ende nuk ka një konfirmim zyrtar nga policia.

Dyshohet se autorët kanë qëlluar me armë zjarri në drejtim të Ervis Martinajt, ndërsa në këtë moment ka ndërhyrë Rigers Gaxha. Ky i fundit ka humbur jetën në vend ndërsa Martinaj dhe Hasa kanë mbetur të plagosur.