Iggy Azalea po planifikon të shpërngulet sërish në Australi. Autorja e hitit "Fancy" e cila ka udhëtuar përgjatë fundjavës në Sydney për të xhiruar disa episode të show-t "X-Factor", ka treguar për gazetën Daily Telegraph se po mendon të shpenzojë të gjithë verën në Australi. Sipas këngëtares, kjo është një mënyrë e mirë jo vetëm për të marrë veten nga ndarja me basketbollistin Nick Young por edhe për t'u rilidhur me familjen apo miqtë e saj. Kujtojmë që Iggy u largua nga shtëpuia kur ishte vetëm 16 vjeç, ndaj ky udhëtim në Australi është më i gjati në këto 10 vitet e fundit!