Ajo është një ndër aktoret më të komentuara dhe më të dashura në kinematografinë italiane. E kemi fjalën për aktoren Serena Grandi. Të gjithë mendonim që punët e saj mund të shkonin vaj, por mesa duket nuk qënkan kështu dhe ajo për momentin po përjeton ferrin vetë.

Serena është shprehur se po përndiqet nga ish-i dashuri i saj dhe se situata e saj është bërë e papërballueshme. Historia me partnerin Luca Lacomoni ka përfunduar para një viti, por ai nuk ndalet.

“Nuk funksiononte mes nesh, unë jam një grua e pavarur, por ai nuk e pranon fundin e kësaj historie. Jam e dëshpëruar dhe kjo gjë nuk i bën mirë punës sime. Nuk arrij as të dalë vetëm, shikoj rotull dhe vëzhgoj makinat që kam nga pas. Kam ndryshuar numrin e telefonit, sepse ishte një ferr. Bllokova thirrjet dhe mesazhet, por më vinin të njëjtat telefonata me numër privat. Im bir tani do të shkojë të punojë në Milano dhe do të jem e vetme, si t’ia bëj? Situata po bëhet e rrezikshme”.