Nëse Dita e Verës nuk ishte tamam e tillë, në ditën e sotme mund të themi me plot gojë që jemi futur zyrtarisht në stinën e pranverës dhe mesa duket moti edhe në ditët në vijim do të karakterizohet nga ditë të ngrohta.
Orët e para të ditës së sotme do të dominohet nga kthjellime dhe vranësira të shpeshta në të gjithë Shqipërinë. Më prezente vranësirat do të paraqiten në rajonin Jugor-Juglindor.
Pasditja dhe nata sjellin përmirësim të dukshëm të kushteve atmosferike, duke bërë që moti i kthjellët të jetë dominant në vend.
Sipas MeteoAlb, temperaturat e ajrit ulen lehtë në mëngjes por rritje sjell mesdita duke luhatur vlerat ekstremale ditore nga -2°C në zonat malore deri në 17°C mesdita në Jugperëndim. Era do fryjë e lehtë dhe mesatare me shpejtësi 40 km/h nga drejtimi Veriperëndimor duke krijuar në det dallgëzim 3-4 ballë.