Të gjithë kemi kërcyer me hitin e Bes Kallakut dhe Ylli Bakës, “Baftjari” këngë të cilën e kemi dëgjuar në çdo festë, si në dasma apo edhe në gëzime të tjera. Siç duket dy artistët dinë si t’jua vjedhin zemrën dëgjuesve dhe kanë publikuar n jë tjetër këngë të re, e cila që nga titulli do na “çmendi” në gëzimet tona familjare apo festat në përgjithësi.

Kënga me shumë ritëm dhe tekst të bukur titullohet “Çohu kërceni” e në videoklipin e saj shohim Besin dhe Yllin në sfond që teksa janë në club-e, ngrejnë të gjithë sallën në këmbë. Muzika është realizuar nga Irkenc Hyka, ndërkohë që për tekstin ka punuar vetë Besi në bashkëpunim me “Kimikatin”.