Bukuroshja e ekranit ka postuar një video në Instan e saj, e cila nuk dimë si mund të përkufizohet ndryshe përveçse thjesht e çuditshme. Nga mbishkrimi “no filter, no make up” duket se Ilda po përpiqet t’i bëjë një ekspozim vetes në një formë sa më “reale”, të tipit ujë dhe sapun. Megjithatë nuk e dimë se ç’hyn trupi në këtë “mbishkrim” dhe aq më tepër pse gjatë më shumë se gjysmës së videos ka mbajtur frymën, çka duket qartësisht nga brinjët e dala (pavarësisht kësaj duhet thënë se hiret nuk e lënë në baltë).

Një qëndrim deri diku i sforcuar, i shoqëruar me mimika që variojnë nga ajo që duket si “e hutuar” deri tek një buzëqeshje për ta mbyllur videon. Njësoj konfuze me ne duket se është ndjerë dhe mikesha e saj, aktorja bukuroshe Olta Gixhari, e cila gjithashtu e ka pyetur se çfarë kuptimi ka kjo video. Deri tani ama, nuk ka marrë ende përgjigje. Ndoshta Ilda po e mendon për vete.