Sezoni i ri nisi dhe nëse doni që të jeni IN duhet ta mbani patjetër televizionin në IN Tv. Përveç intervaleve muzikore me këngët më të mira si shqiptare ashtu edhe të huaja, IN Tv do t’ju mbajë të gozhduar para ekranit me emisionet e suksesshme e të larmishme, por edhe me serialet tuaja të preferuara. Mirëpo edhe serialet e reja që do të nisin këtë sezon nuk duhen humbur për asnjë arsye.

Këtë të hënë u zgjuam me “KafeIN” që pas sezonit veror u rikthye sezoni i ri i plotë. Ashtu si sezonin e shkuar edhe këtë sezon, “KafeIN” do e ndiqni nga ora 7:00-10:00 nga e hëna në të premte me Flavion i cili do të jetë vetëm në prezantim në studio, me më shumë aktualitet dhe më shumë të ftuar.

IN Tv ka menduar edhe për adhuruesit e ëmbëlsirave. “Sweet Lab” do të jetë programi më i ri që do t’ju shoqërojë për rreth 50 minuta të ëmbla. 3 master shefat tanë energjikë, do t'ju tregojnë se ëmbëlsirat nuk janë vetëm shije por edhe art. 2 ëmbëlsira në çdo puntatë, të cilat do t’ju ngacmojnë oreksin dhe me siguri nuk do t’u rezistoni dot. Çdo të hënë, në orën 17:00, bëhuni gati për shije të ëmbla.

E kur flasim për serialet, një ndër më të ndjekurit në IN Tv është pikërisht “Two Broke Girls” që do ju shoqërojë gjatë pasdites duke filluar që nga ora 18:00. Sezoni i tretë i gjen Max dhe Caroline duke mbledhur fitimet e pakta si kamariere për të nisur biznesin e tyre. Për t'u bërë një kuzhiniere më e mirë, Max aplikon në Shkollën e Kulinarisë në Manhattan dhe pranohet. Max dhe Caroline do të njohin dy personazhe të rinj që fshehin sekrete tronditëse. Zbuloni më shumë në sezonin e ri të: “Two Broke Girls”.

 Për diskutimet rreth temave të aktualitetit, të politikës, me intervistat në terren të Marselit dhe me shumë të ftuar në studio me Mateon dhe Vinin, ju ftojmë të ndiqni “Kolaudim” në sezonin e tij të dytë në IN Tv, emision ky që do të transmetohet nga e hëna në të premte, LIVE, ora 19:00-20:00.

Në këtë sezon të ri në IN Tv rikthehet edhe një ndër serialet më të suksesshme greke, pikërisht “Brusko” i transmetuar në më shumë se 40 shtete në të gjithë botën. Sonte në orën 20:00 do të transmetohet episodi i parë i sezonit të dytë të “Brusko” i cili do t’ju mbajë të mbërthyer para ekranit të IN Tv. Protagonistët kryesorë janë sërish Melina dhe Akili, dashuria e të cilëve i bën ballë çdo pengese dhe intrige të mundshme, por do të kemi edhe personazhe të rinj, sekrete të errëta, pasion, hakmarrje, dashuri. Mos e humbisni sezonin e dytë të “Brusko” çdo ditë nga ora 20:00 nga e hëna në të premte në IN Tv.

Në orën 21:00 për rreth 1 ore e gjysmë do të keni mundësinë të ndiqni filmin premierë “The Cooler”

Një serial i ri që i shtohet programacionit të IN Tv është edhe “Sue Thomas”. Sue Thomas, një grua që nuk dëgjon, me një aftësi të jashtëzakonshme për të lexuar buzët, zhvendoset në Washington për të nisur një punë të re si agjente e FBI-së. Gjithsesi kur ajo mbërrin, zbulon se puna nuk është aq emocionuese sa ç’kishte shpresuar. Ky serial që do ju intrigojë shumë dhe që mezi do prisni serinë tjetër do të transmetohet çdo të hënë në orën 23:00-00:00.