Instagram do të nisë që sot që të marrë masa për zbatimin e rregullave etike në rrjet. Accountet për të cilët ka ankesa ose po shkelin termat e shërbimit do të kenë mjaft probleme që sot e tutje.
Nëse keni parë dhe plot fëmijë që përdorin Instagram dhe ndërkohë janë shumë më të rinj se mosha e lejuar për të qenë pjesë e rrjetit social thjesht mos u shqetësoni. Ata do të detyrohen që të lënë rrjetin menjëherë.
Facebook Inc. ka deklaruar që për shkak të ankesa të prindërve për problematika të ndryshme që ata kanë hasur me fëmijët e tyre falë rrjeteve sociale, masat drastike po vijnë. Njerëzit që shkelin normat, publikojnë materiale të papërshtatshme ose tentojnë që të tallin apo abuzojnë dikë do të pezullohen përjetë nga rrjeti.
Fëmijët nën 13 vjeç nuk do të lejohen që të kënë accounte në Instagram dhe së shpejti as në Facebook. Sa për ata që janë minorenë, kompania po punon për të krijuar një sistem tek i cili prindi do të mund të monitorojë aktivitetin e fëmijës së tij. Mesa duket Messenger Kids paska qenë vetëm një ndër masat e Facebook për të mbrojtur fëmijët.
Mbase duket si po kemi ndryshime drastike dhe në fakt nuk janë të papërfillshme, por siguria online ka mjaft rëndësi dhe këto masa duheshin marrë me kohë. Faleminderit për masat Zuck dhe pse të detyruan prindërit e shqetësuar ose dëshira për të mos u kthyer para Senatit Amerikan.
19 Nov 2024 
