Janë luajtur ndeshjet e javës së dhjetë të “Seria A”. Kampionët në fuqi të Italisë fituan 4-1 ndaj Sampdorias duke ruajtur diferencën prej 2 pikësh, këtë herë me Romën si ndjekëse kryesore. Golat për “Zonjën e vjetër” u shënuan nga Manzukiç, Kielini, Pjaniç dhe sërish Kielini, ndërsa për miqtë shënoi Shik.

Interi ka fituar 2:1 me Torinon. Të dy golat për zikaltërit i shënoi Ikardi, ndërsa për torinezët shënoi Beloti. Edhe Lacio, Roma e Napoli i fituan ndeshjet respektive.

Në derbin e shqiptarëve Pescara-Atalanta, ishin bergamaskët e Etrit Berishës ata që triumfuan 1-0. Goli i Mattia Caldara i siguroi 3 pikë ekipit zikaltër. Në këtë përballje, Memushaj dhe Manaj u aktivizuan titullarë por nuk arritën ta ndihmonin skuadrën e tyre të regjistronte fitoren e dytë sezonale. Në përballjet e tjera, Lazio shkatërroi 4-1 Cagliarin, ndërsa Chievo Verona barazoi 1-1 me Bolognan.

Pas javës së dhjetë të kampionatit italian, kryeson Juve me 24 pikë, ndjekur nga Roma me 22 pikë, Napoli me 20 dhe Milan ka 19 pikë të grumbulluara.