Zikaltërit u eliminuan nga Kupa Italisë pasi u mposhtën 2-1 nga Lazio në San Siro, ne një ndeshje spektakolare. Ndalet keshtu në numrin 9, ecuria e fitoreve radhazi për Interin në të gjitha kompeticionet.
Ndeshja filloi me një ritëm të lartë me të dy ekipet që mundohen të krijojnë aksione të rrezikshme në portat kundërshtare. Pak minuta më pas Lazio kalon në avantazh, kur Anderson futet në zonë në ndjekje të një krosi dhe godet në mënyrë fantastike duke mundur Handanovic.

Inter nuk mund te pajtohej me këtë rezultat dhe krijoi disa mundësi të mira shënimi, ku ja vlen për t’u përmendur goditja e Perisic dhe ajo e Brozovic. Megjithate të dyja u priten me mjeshtëri nga portieri Marketi.
Por në mometin më të mirë të zikaltërve Miranda bëri një tjetër gabim te pafalshem, duke konfirmuar se për të ishte një mbrëmje jo e mirë. Lazio fiton te drejten e nje penalltie, dhe arbitri dha karton te kuq për Mirandën. Ai që mori përsipër të godiste penalltinë ishte Lucas Biglia i cili me qetësi e ekzekutoi në mënyrë perfekte njëmbëdhjetëmetërshin.

Edhe ps me një lojtar më pak Interi nuk u dorëzua, por fati nuk ishte me Icardin i cili iu afrua në disa raste golit. Ndërkohë që Brozovic rihapi sfidën me golin e 1-2 në minutë  e 83-të, por vetëm kaq. Në San Siro gjithcka u mbyll me fitoren 2-1 të Lazios, që fluturon në gjysmëfinalet e Kupës së Italisë ku do të presë fituesin e ciftit Roma-Cesena.