Disa specifika që nuk do të dëgjoni kurrë të përmenden në një fjalim të Apple apo të gjenden në faqen e internetit të kompanisë janë kapaciteti aktual i baterisë së iPhone dhe sasia e RAM brenda çdo telefoni. Fatmirësisht, Apple duhet të paraqesë këto detaje tek agjencitë rregullatore të qeverisë, si Ministria e Industrisë dhe Teknologjisë Informative (TENAA) të Kinës.

Kompania ka bërë këtë për iPhone-ët e tyre të fundit, dhe ju mund të gjeni lidhjen me dokumentet në MacRumors. Gjëja e rëndësishme është që ne tani e dimë kapacitetin e baterisë dhe specifikimet e RAM-it për iPhone XS, XS Max dhe XR.
Këtu janë shifrat, krahasuar me pajisjet e vitit të kaluar:

iPhone XS Max: 3,174mAh / 4GB RAM
iPhone XS: 2,658mAh / 4GB RAM
iPhone X: 2,716mAh / 3GB RAM
iPhone XR: 2,942mAh / 3GB RAM
iPhone 8 Plus: 2,675mAh / 3aGB RAM

Sipas testeve të Apple, iPhone XR ofron jetëgjatësinë më të lartë të baterisë së këtij viti për iPhone dhe përmirësohet në krahasim me iPhone 8 Plus deri në 90 minuta. Ka më pak kapacitet sesa XS Max, por duhet kujtuar se XR fuqizon një ekran më të vogël me rezolucion më të ulët, që me siguri e ndihmon të tejkaloj Max.

Sa i përket RAM, telefonat e fundit kanë 4GB. Vitin e kaluar, X dhe 8 Plus arritën në 3GB. (iPad-i i tanishëm i Apple gjithashtu përmban 4GB.) Shumica e telefonave më të mirë Androidit e tejkalojnë këtë numër, duke filluar nga 6GB në 8GB. Por iOS ka qenë gjithnjë i mirë për të bërë më shumë me më pak kur është fjala për RAM, kështu që blerësit e mundshëm XR nuk pritet të hamendësohen në lidhje me 3GB.